艾粒演唱会｜当奴跳唱《Megahit》掀高潮　曾因黑面被听众投诉

为庆祝艾粒出道二十年，一连四场的《歌颂生命沿途有你艾与粒激情双星璀璨二十 ICHIBAN 香港之夜》 今晚（20/10）于九展Star Hall开骚。演唱会于晚上8时半正式开始，以管弦乐团带来的《艾粒Medley》揭开序幕。少爷占与当奴随后在一片欢呼声中出场，并唱出《个头痕唔痕呀》、《舞台皇者》及《边个话你丑》等歌曲炒热全场气氛。

两位在台上感谢“粒粒粉”多年的支持和陪伴，少爷占感激大家排除万难“Do咗好do个安do出行”入场睇骚，而当奴就指要经常撩鼻做检测，看到确诊的朋友康复后很自由，自己亦有少少想“中招”：“其实都好唔想中，但有少少想中，因为见到啲中咗嘅朋友，佢哋好free，好似用咗卫生巾咁。佢哋会戴啲好似丝袜咁薄嘅口罩，佢哋话中咗唔惊，新人类，所以有少少考虑紧。”少爷占指：“唔好呀，中咗好似有脑雾。”当奴续说：“好多人冇脑雾都好似冇晒记性咁。”话毕，二人高呼感激大家“选择与我哋共存”。

当奴接着换上蜘蛛侠紧身衣上台，感性表示潜意识都想像他一样戴上面具示人，全因“其实我好唔钟意自己黑面”，他亦重提曾黑面黑到被听众投诉一事并指：“我成日都黑口黑面，你知唔知点解？因为呢个世界令我黑口黑面，我一揸车、做嘢就会黑口黑面，呢个社会令我黑口黑面，令到大家觉得我好乞人憎。面对咁多事，我咩都做唔到，我只好选择黑面，黑得多，大家怕咗你，自己都怕咗自己，所以想戴个面具遮住自己，返工又唔得，就戴帽留长啲头发，遮下只眼，避得就避。”

直到2018年，他与少爷占获邀到电视台见监制，可惜却因“韩仔头”被监制训话，最后二人亦没有接拍任何剧集。当奴说：“我亦都冇剪咩头，因为其实我剪咩头都系韩仔头，因为我本身系韩国人一半。机会捉唔到咪等下一个，虽然一等就几年，到上年有两部电影导演唔介意我个韩仔头遮住只眼都揾我拍戏…有得拍戏好开心，个角色几难做都好都系暂时做呢个角色，相反做自己真系好难，好多要理，好多嘢理唔到，理唔到只好选择黑面…我好好彩有个角色做足二十年，仲要系主演，如果艾粒令到大家开心，我更加开心，因为艾粒令唔开心嘅我可以笑番”，粉丝报以热烈掌声支持。

演唱会临近尾声时迎来另一高潮，少爷占自弹自唱出Edan的《E先生连环不幸事件》，全场拍烂手掌。而当奴亦唔执输，又唱又跳Anson Lo的《Megahit》，台下观众尖叫声不断大叫“奴奴”，全场站起来跟着音乐摆动，将气氛推到顶峰。