美丽战场｜丁子朗掌掴陈晓华take足十几次：打完第二日佢块脸肿咗
无线（TVB）剧集《美丽战场》热播中，饰演程裕进的丁子朗在剧中的渣男形象实在是深入民心。丁子朗接受《香港01》访问时表示，今次饰演渣男是演戏生涯中的一个突破。他说：“今次真系好渣，系我认知范围之外嘅渣。有时做完之后导演都叫我再激啲，不过做完都真系几爽。”
不过爽归爽，剧集出街后丁子朗也收到不少评语。他说：“好多人闹我！不过闹都系好事，有人仲话：‘你咁嘅样凭乜嘢沟到陈晓华呀？’哈哈，我都唔知何德何能，真系要多谢导演。”
他透露，今晚剧情中还会有床上戏。他说：“不过就唔系同陈晓华，系同关嘉敏，𠮶场仲要系陈晓华捉奸在床。今次都唔算紧张，因为之前《青春不要脸》同戴祖仪都试过一次，今次最紧要都系令对方舒服，唔好感觉尴尬，借位得嚟又要舒服。”
他表示，对比起床上戏，掌掴陈晓华的戏份更令他紧张。他说：“因为我惊打痛佢，真系打落去㗎。我真打佢好多巴，我谂十几巴都有，打完佢块脸真系红，打完第二日佢同我讲块脸肿咗，所以真系对佢唔住。”
丁子朗饰演渣男是本色发挥？他笑言：“你咁问我一定话唔系，哈哈。”他续说，导演在拍摄给了十分多意见。他说：“导演畀咗好多参考，跟住做就OK咗啦。”参考方力申？他回答：“唔讲得，唔系呢套剧嘅。系2003年比较有代表性人物，大家一定识嘅。”
陈晓华接受《香港01》访问时也说：“角色畀到好多童真我，拍𠮶几个月真系好开心。好多人话个角色好傻，其实我都系一个几林小美的人，但系拍完之后发觉，原来你个角色赐畀我嘅性格。我觉得系做返18岁以前嘅自己，会为爱情而全程投入嘅自己。”
她自言，自己性格与林小美有几分相似。她说：“好似我同丁子朗朝早拍俾佢打，之后就拍啲好sweet嘅戏，我拍sweet戏嘅时候已经唔记得佢今朝俾佢打。佢打到我块脸肿晒呀，我真系第一次咁样俾人打！但系佢系一个好好嘅对手。佢打完我第一个cut，cut咗机之后就第一个过过嚟畀个拥抱我。我觉得呢个拥抱令我更加信任佢，令我知道佢care我感受，令我知道咁样俾人打唔系应该嘅，所以佢系一个好好嘅对手。”