美丽战场｜叶念琛力撑陈滢演技好　无惧负评惹争议：好过无声无息

无线（TVB）新剧《美丽战场》自播出以来反应热烈，当中有赞亦都有弹，不少观众更是看得十分“肉紧”，一边大闹蒋家旻贱人、丁子朗是渣男，一边又为陈滢、陈晓华的遭遇而心痛，不过另一方面也有不少人觉得剧情实在太狗血难以接受，又有人批评剧本太粗疏、演员演技未够班等等。

对于陈滢的演技被弹，编审、导演兼监制叶念琛接受《香港01》访问时就指责任在于自己：“作为导演我要讲返畀观众听，个设计陈滢个角色同蒋家旻分别太大，一个好强一个弱。你觉得一个人物持续被迫害，被欺负又冇还手之力，系会唔够痛快，呢个唔关演员事，因为剧本处理已经系咁。”

他更透露钟家宝这个角色在后期会逐渐黑化，观众将会有不一样的观感：“钟家宝后面佢会黑化，我可以讲嘅系，同钟家琪（蒋家旻饰）比，佢中间做嘅嘢系有过之而无不及，睇埋落去先评价啦。我仍然觉得陈滢系做得好嘅，要睇埋落去后面，钟家宝入咗娱乐圈、入咗豪门嘅变化。”

提到有人批评演员的演技，叶念琛就表示：“网民做嘅嘢我觉得无伤大雅，最紧要系有话题性，大家个关注度。我成日觉得剧应该系咁，最多人睇嘅剧先会有个洐生话题，同埋洐生出嚟嘅趣味。演员被批评或者演员被赞赏，所有嘢都来自我，因为系我写，系我拍，当然我会收货我会接受。你估我唔知有争议性咩，因为横跨18，19年，我最后都觉得，有争议性都系喺我计算入面，如果冇争议性又点会有而家嘅热度，或者而家嘅讨论性。”

同时，亦有不少人指《美丽战场》与以往TVB剧不同，甚至有人觉得剧本“俹簁”，不过叶念琛就回应：“我只可以话呢个系我友情客串嘅作品，因为我唔系TVB出身。如果你觉得剧本有粗疏地方或者同以前嘅剧唔同，好尖锐，感情瓜葛关系，或者我写嘅豪门，都唔系TVB剧睇到，其实冇所谓，因为我拍咗咁多年电影，同埋做影评人，最紧要就系谈论，好过拍咗出嚟无声无息，叶念琛嘅作品从来都系咁争议性。呢个世界有赞就一定有弹，赞我会睇会接受亦都开心，弹我都会睇我都会接受，下一次就知道有咁嘅批评。”