全城一叮︱林子超化身变装皇后极震撼 “化妆后认唔到自己个样”
无线（TVB）才艺比并节目《全城一叮》招募多位新晋演员和潜质演艺人参赛，而今晚（7/10）一集便有林子超（Andy）化身变装皇后（Drag Queen）震撼全场，而踩住高踭鞋表演跳舞的他便挑战踢脚、擘髀及侧手翻等高难度动作，十分犀利！评审之一的“伍姑娘”伍咏薇睇完之后更忍不住激赞：“你唱歌又得，你成个performance直情勾引到我死呀！我系冇睇漏你任何一个舞步，我已经爱上咗你！”
点击下图观看节目画面：
林子超接受《香港01》访问便直言今次表演对他而言是重大挑战，好担心会在舞台上跌低、拗柴：“呢个表演对我嚟讲系劲大挑战，首先系我第一次做呢类表演，高踭鞋已经系一个好大嘅学问，原本𠮶对系12cm，行都行唔到，7cm喺舞台上又唔好睇，最后表演𠮶对系10cm，加上今次我系做变装皇后，所以我一定要行得好女人，我唔想好似一个男人扮女人咁，所以知道有呢个比赛之后，每日都有去Studio着高踭鞋练行路，睇下点样可以比女人更女人。”他又透露化妆要用四小时：“化完个妆之后都认唔到自己个样！”
点击下图观看林子超变身前后：
为什么会拣以变装皇后装扮示人？林子超坦言是因为电视圈鲜见类似形象：“荷里活有《丹麦女孩》，港产片有《翠丝》，所以都好希望日后香港电视圈都可以有呢类角色出现，将社会上唔同人嘅故事讲出嚟。（本身都好欣赏变装皇后？）系，佢哋好劲，哋一手包办晒服装、发型、化妆同埋表演内容，而今次我有服装师帮我整衫，又有发型师、化妆师帮忙，所以比起佢哋争好远。”而林子超亦指自己是受到美国真人骚《RuPaul's Secret Celebrity Drag Race》启发：“个节目有好多美国红星参与，佢哋会试下做变装皇后，见到佢哋做完之后，对自己有更大了解，又或者男仔对女性有更多尊重，系一件好好嘅事情嚟。”
《爱·回家》“言少”林子超自爆收入 非TVB亲生仔冇底薪唔够钱用