专访︱林子超用舞蹈战胜命运　学识拥抱胸怀长疤：与众不同系OK

无线（TVB）真人骚《盛．舞者》在刚刚过去的周日（18/7）落下帷幕，三甲人选亦已经尘埃落定，虽然林子超早于第十集被淘汰，未缘争夺最终名次，但他得到的好可能比一个奖项更加多。“最后冇赢到，对我嚟讲感觉真系唔大，因为呢个节目最重要嘅地方，系畀到我一个机会，等我可以向自己生命里面，一个好重要嘅部份致敬、讲声‘多谢’。”

林子超既是演员也是舞者，他14岁开始接触舞蹈，起初是参加中学舞蹈学会，后来因为报读演艺学院青少年周末兴趣班，中五毕业后便顺理成章到演艺学院攻读两年制现代舞文凭课程，再到新加坡修读舞台音乐剧专业课程。“不过，咁耐以嚟，只系做过一个车骚系同舞蹈有关，系喺亚洲博览会做，𠮶个骚冇亚洲人，我系唯一一个亚洲人，同埋都喺暑期做过两大乐园嘅Dancer，呢个就系我嘅舞蹈人生。”

林子超的舞蹈人生充满波折，说的不是2011年参加now TV《CEO选拔赛》后入行做主持要与舞蹈讲“拜拜”，而是他有先天性心漏症，一出世就与“跳舞”这件事有冲突，有种命运作弄的感觉：“医生话，有啲小朋友，个窿唔会扩大，其实就冇乜影响，但直至我入咗演艺学院第一年，𠮶个暑假就佢同我讲，‘你要做手术喇，因为如果唔做，就会影响到四、五十岁之后嘅健康’，咁屋企人一定要我做啦，做完手术、9月开学，我就坐喺Studio睇人上堂睇咗大半个月左右。”

舞蹈是用身体表演的艺术，但当时林子超却不想身体受到注视，因为他心口有一条长约10cm的手术疤痕。“做完手术之后，跳舞换衫都要匿去洗手间，就算去游水，都要着住件T-shirt，讲起都觉得好怪，一个后生仔，又唔系肥仔，但系要落住件衫落水。最记得系刚刚入行，我要拍一个柔道节目，柔道袍入面都坚持着件T-shirt，真系好唔想畀人见到我心口嘅疤痕。”

直到参加这个节目，才令他意识到自己可以与众不同：“畀我知道Being different is OK，呢个节目对于我嚟讲都系一个突破，其实我都冇谂住咁快俾人知我有条好长嘅‘事业线’，但而家我识去欣赏条疤痕畀我嘅价值。”他更笑指自己今年31岁，终于敢去坦荡地在别人面前换上衣。

点击下图观看林子超舞姿：

另一样令林子超感到格外畅快的，是他在节目中尝试以透视造型、高跟鞋亮相，将自己女性化的一面向观众呈现：“我想观众知道，男仔都可以系Feminine，又同时可以大只，唔需要觉得咁样系唔好，可能系我细个𠮶时系好‘噙’、好乸型，我就俾啲男同学去排斥、去笑，但慢慢发觉，呢个社会，好多好特别嘅人都开始弹出嚟，佢哋都启发到我，我都希望透过自己嘅故事，去话畀其他人听，表达自己系OK嘅，所以我都将自己比较姣、妖嘅一面无限放大。”

当然，提到林子超在《盛．舞者》最癫、最黐线的一件事，便不得不提他拍摄片头时跣脚撞穿头的意外。“𠮶日我返咗成日工后再去Rehearsal，Rehearsal完之后先去尖沙咀码头拍，因为之前落过雨，地下好湿。个位置系尖沙咀码头观景台嘅上层，本身我要企上𠮶度啲栏杆再跳落地然后跳舞，正当我想试一次畀同事睇，我就跣一跣脚，然后360度向后跌，撼穿咗个头。”起初他感受不到痛楚，但在场所有人都被他吓到目定口呆，因为他满颈都是血：“我话我仲可以拍，但系全世界就叫我唔好郁，话我流晒血。”

点击下图观看件事有几严重：

然后林子超顶硬上一边尝试止血一边继续拍摄，到拍摄完成便自行揸车到医院：“我以为洗一洗伤口就搞掂，但原来伤口太大，一定要缝针！”做完手术回家后他更呃妈妈没有事发生：“好笑嘅系，我着背心，打咗破伤风针，有个针窿上有块胶布，我阿妈就问点解你打疫苗仲未搣胶布，我话系呀系呀，跟住我就即刻冲咗入房瞓觉，瞓咗一个钟头就出去做嘢。”为了自己喜欢的事，林子超也是可以去到好尽。