“小薯茄”6周年踩上舞台开骚　老板高Ling劲感动重申背后冇金主

为庆祝YouTube频道“小薯茄”成军六年，一众成员包括程仁富（程人富）、蔡晓童（童童）、吴冰（阿冰）、邓丽英（丽英）、关浩杰（阿J）、姚泽汶（肥蚊）、朱柏熹（朱Mic），高江凌（高Ling），昨晚（10/9）齐集旺角麦花臣场馆演出舞台剧《小薯茄6周年─IT'S PARTY TIME》。一日演出两场，8位成员于骚后接受访问时表示兴奋多于攰，阿J说：“肾上腺素仲喺高位，系兴奋同满足，做完两场之后，见到观众反应证明排出嚟嘅嘢系work，（观众）有呢个反应导演好犀利。”

由拍YouTube片到踩上大舞台开骚，创办人高Ling非常感动坦言流过很多次眼泪：“第一场你哋企晒喺度，起音乐𠮶下，我已经眼湿湿，会忍住然后再做戏时要逼自己收番啲，未到𠮶个位。然后去到credit一roll出嚟，又起多次鸡皮，啲眼泪又喺咁嚟……你谂下六年前同而家嘅程度，真系一步一脚印，好大感受。”剧中有金主出钱收购“小薯茄”的情节，问到现实中有否出现同样情况，高Ling重申：“好多人会觉得小薯茄背后系有金主㗎嘛，其实真系冇。（有冇人同你哋倾过？）冇嘅冇嘅。”程人富笑言：“冇金主爸爸，得爸爸。”

小薯茄6周年｜FINALLY唱出负评　丽英与古天乐互动形容系明日礼物

点选睇更多演出靓相：