小薯茄6周年｜FINALLY唱出负评 丽英与古天乐互动形容系明日礼物
为庆祝YouTube频道“小薯茄”成军六年，一众成员包括程仁富（程人富）、蔡晓童（童童）、吴冰（阿冰）、邓丽英（丽英）、关浩杰（阿J）、姚泽汶（肥蚊）、朱柏熹（朱Mic），高江凌（高Ling），昨晚（10/9）齐集旺角麦花臣场馆演出舞台剧《小薯茄6周年─IT'S PARTY TIME》。一日演出两场，8位成员于骚后接受访问时表示兴奋多于攰，阿J说：“肾上腺素仲喺高位，系兴奋同满足，做完两场之后，见到观众反应证明排出嚟嘅嘢系work，（观众）有呢个反应导演好犀利。”
谈到阿J和程人富的骚肌环节，阿J透露是程人富提议，并花了两个月时间健身、跑步及控制饮食：“见住佢哋食嘢，我就食鸡胸，一个月饼都未食过。”而程人富指早前拍剧有骚肌场口，因而比阿J更早控制饮食，但去到7月尾拍完剧后便开始放肆：“食好多嘢，明明冇嗌炸鸡都夹硬加份炸鸡，去到开骚前一个礼拜，就话不如我都除埋……得番个几礼拜，我就好后悔……之前操咗啲，就冇话反弹好多，所以好彩。”
至于邀请到洪嘉豪作为驻场嘉宾，丽英指：“佢系我哋小薯茄一日员工。”程人富续说：“小薯茄系咁，一日员工，终身员工。嘉豪真系参与晒，我哋好唔知丑咁要求佢参与晒，嘉豪系熟啲，对佢系厚面皮啲。”FINALLY亦在舞台剧中带来新歌《终于有歌》，程人富表示是将Haters的留言变成歌词：“将留言变成子弹、弹药拎嚟打番佢哋转头，将啲留言变成我哋第一首歌…歌词全部都系reference啲真嘅、话我哋嘅留言，𠮶班haters估唔到自己做咗填词人。我哋就系咁有爱嘅团队，化解咗啲戾气，你闹我，但我畀你成为我嘅填词人。”
古天乐最近亮相“小薯茄”拍摄短片，与丽英有对手戏之外，二人更有“差啲锡到”的超近距离互动。丽英一脸兴奋形容为“明日礼物”：“𠮶时系第一次咁近距离接触古生，佢好玩得同好照顾后辈。打茄轮系即场Jam出嚟，我放胆同佢玩，佢又真系哄埋嚟玩番。虽然𠮶下有啲惊，但我都觉得几开心……赢咗好多古太嘅赞美。”FINALLY更表示有向古生自荐拍戏，程人富笑言：“拍《明日战记》宇宙，冲出嚟就俾机械人打死𠮶啲平民，或者做机械人。”
点选睇更多演出靓相：