痞子殿下｜黄建东入行11年仲系底层 自觉亏欠父母：佢嫌弃我呀
撰文： 林迅景
出版：更新：
黄建东于TVB剧集《痞子殿下》中大放异彩，不少观众都称赞黄建东有成为新一代笑匠的潜质。他自2011年入行起大大小小都饰演过超过50个角色，一直都是饰演路人甲乙丙的他直到近年才被重用，一路走来实在不易。
黄建东今日（29/8）出席剧集宣传洞动时接受《香港01》访问，说：“今次《痞子殿下》个角色都唔错，但系唔代表嚟紧角色都会咁多戏份，我都客串咗一啲戏，反而我觉得自己有排都未OK。我希望多啲监制见到我唔同能力，摆我喺唔同位置，因为自己好想做多啲感性、感情戏，好靠大家畀机会。”
他认为，自己还是起步阶段，说：“level仲系好低，直头系底层，哈哈。我觉得最紧要系咩呢，我又唔系最搞笑𠮶个，又唔系最正经𠮶个，自己有啲尴尬位。今年嘅工作对黄建东嚟讲系有啲迷失。”他解释说，虽然今年有两套剧集出街，但工作依然不多也没有太多发挥机会。
黄建东曾经讲过后悔花光父母首付100万去进修演艺，近年工作增多，他透露自己正在储首付买楼“还”给父母，说：“储紧首付，储咗一部份啦，而家要睇多啲楼睇吓有冇机会上车，啲细嘅单位都可能得。我阿妈成日问我几时搬，佢成日叫我快搬走，哈哈，佢嫌弃我呀，但系我都系咁爱佢。屋企人一定有嘈交嘅时候，正常嘅。我觉得我成世人都亏欠咗佢，哈哈，不过我哋唔讲呢啲。”