痞子殿下｜陈滢“落闸”周嘉洛 称唔想再传绯闻：套剧都播完
陈滢与周嘉洛主演无线（TVB）剧集《痞子殿下》，爱恨交织的故事实在令观众看得咬牙切齿。于现实中，两人亦因为拍剧做情侣档而传出绯闻，这一对姐弟恋依然被不少人睇好大赞登对，但绯闻归绯闻，今日（29/8）陈滢与周嘉洛出席《痞子殿下》剧集宣传活动，接受《香港01》访问时就“落闸”说不可能，说：“套剧都播完，都差唔多要完结。”
《痞子殿下》第三周收视收得20.3点，问到会否因为收视报捷而回馈粉丝时，周嘉洛回应：“都好㖞，如果30点我就唱歌啦！”周嘉洛有好歌喉？他直言：“好难听，但系咁样先系一种诚意。”
陈滢接受《香港01》访问时直说很喜欢蛮仪和阿四这个情侣档，周嘉洛说：“我用智力克制佢，佢又用暴力克制我，但好关心对方，我自己几享受。因为我平时俾人打开，你话我习惯又好，钟意有个咁特别嘅角色又好。”
陈滢会否享受打周嘉洛的过程？她笑说：“有时都享受嘅，但系又唔系真系打嘅。点解享受，因为我钟意蛮仪呢个角色永远都用暴力解决问题，因为好少接到呢啲角色。本来唔系成日打佢，但系做到钟意打就打。我谂呢套剧有超过四成都系演员自己加，就算有剧本，好多动作都系我哋自己谂，好多对白都系我哋自己添加。基本上你见到所以碌地、打关斗（翻筋斗）都系我哋自己加，有时仲会加到个拍摄时候over咗好多，加到试过几次俾监制闹。不过出到嚟，监制就话我哋加得好。”
陈滢直言，现实中的自己与“蛮仪”其实有几分相似，说：“如果我发脾气闹交我都会想打人，或者好大声发脾气，但系我会似蛮仪咁发完脾气娇嗲返，少少啦。”有网民经常提起周嘉洛饰演“阿四”时复制了周星驰的演技，他说：“我细个都深受周星驰先生影响，有啲嘢系入咗血嘅，大家又睇好多，所以到睇我演出嘅时候就会好易联想到。我自己又夸张咗，所以就会有抄周星驰又抄得唔好嘅错觉。呢个系世人对我嘅误解。”
对于情侣档演出，周嘉洛表示会给10分满分，说：“除咗爱回家我好少有情侣档，同朱凌凌就系12分。”陈滢说：“蛮仪同阿四个故事系100分开始，1000分完结。我睇剧本系喊住睇，因为真系写得好靓，从来都冇遇到一个咁好头好尾嘅剧本。”会不会日久生情？周嘉洛直言：“日久生友情。”陈滢也说：“我哋4个而家都keep住见面。好多人都传我哋绯闻，但系我都想讲。套剧都播完，都差唔多要完结。”周嘉洛回答：“明嘅，明嘅。”