【我瞒结婚了】劲似男优吉村卓　C君：我自己都觉得似！

《我瞒结婚了》除了陈炜的性感抢镜外，剧中一位配角，无论造型和样子都令男网友好有亲切感，那人就是C君，剧中饰演坚庭哥，2/8分界再配上金丝眼镜，非常似日本著名男优吉村卓，“很想要吧”这张图相信大家不会陌生，不止网友觉得相像，就连C君本人都觉得似，他接受《香港01》访问时说：“哦…吉村卓…系咪唔知问边个女优很想要吧…𠮶个呀？我直头唔系知系边套剧定戏，有一个场口，我直头扮佢㗎，因为我自己都觉得似，开心呀，终于有人发现到我似喇，等我依家即刻search…你讲多次个名…哦，梗系有睇过啦，点会冇睇过佢嘅作品呀，我惊人哋话我似佢，系对佢嘅侮辱㖞，其实我仲觉得吉村卓有少少似黎彼德㖭，跟住我又似小肥㖞，其实我似好多人㗎，以前都话我似小肥、快必，啲人分到我哋3个叫做好叻㗎喇。”

C君和陆永由二人组合农夫出身，由拍综艺节目到近年多在剧集出现，能够拍剧原来因为当王浩信结婚兄弟，而被监制睇中，他说：“第一个揾我拍剧嘅监制系罗镇岳《八时入席》、《开心速递》监制，因为佢想我喺剧中做王浩信个兄弟，而佢又知我又真系做过王浩信结婚嘅兄弟，又想揾个矮嘅人，咁𠮶个咪就系我啰，令我知道原来矮都可以有著数嘅。”

C君唱Rap出身，6月将会和陆永再录歌，但先拍完同黄子华合作的电影，他说：“我同我自少嘅偶像黄子华拍戏，我真系好开心，佢系我同陆永嘅共同偶像、老师，我哋都系学佢，佢啲楝笃笑VCD我都仲有keep，今次我仲喺戏中做佢助手，同佢一齐度戏，哗！边有谂过㗎，真系冇钱收都拍呀，拍完就会同陆永录歌，唔出碟喇，希望年尾有个骚啦。”大家一定记得农夫，到时一定要买飞支持呀！