【我瞒结婚了】陈炜6点后唔食饭keep身材 黑魔后：仲有啲暴露戏
撰文： 林通贤
出版：更新：
《我瞒结婚了》播了两集，洪永城和黄翠如依然是梦幻组合，不过最令网友追看的，原来是43岁的陈炜，炜哥在剧中饰演一个非常难服侍的CEO黑魔后，剧中除了经常著靓衫，亦大骚女人味，不论男女网友都大赞，炜哥保养得好，原来平时好辛苦㗎！她接受《香港01》访问时，说：“我一日食两餐㗎咋，平时唔驶开工，11点食第一餐，又唔会太特别，照正常咁食啰，跟住大约下晏5点几就食晚餐，我食啲好单一嘅食物，白粥啦，再加个自己整嘅菜，好简单一个𩠌，如果要开工就冇计，但都会食少好多。但一定唔饮冻嘢。”
+3
炜哥能够在剧中大骚身材，除了本身keep得好，靓衫都好重要，原来全部都系著名设计师何国钲Dorian赞助，她说：“因为我个角色系女强人，又要靓又要性感，之后都仲有啲暴露啲嘅戏，基本上每个礼拜都一场，好彩好朋友何国钲(著名香港时装设计师)肯借啲靓衫畀我，一次过借十几套畀我，真系唔话得，佢好知我身材系点，所以大家觉得靓，佢好大功劳。”
不少女网友觉得炜哥皮肤白滑，但炜哥话秘诀是灯光师，她说：“冇秘诀，公司灯光师就系美容师，佢哋重要过妳用几多化妆品呀，护肤品呀，哗！我哋呢啲年纪梗系要照顾下啦，真系㗎，如果喺我哋面前低嘅嘅位补枝灯，打返上嚟，就算拍到三更半夜都冇眼袋，所以我都成日买宵夜糖水畀佢哋㗎，哈哈。我个靓样靠哂佢哋。”