肥妈叹当年发表爱国言论登台受威胁：佢哋话你敢请佢我打烂你舖头
撰文： 邱爱霖
出版：更新：
肥妈（Maria Cordero）早前确诊新冠肺炎，她拍片时不断咳嗽及气喘，又透露有发烧、头痛等症状。痊愈后肥妈立即复工，上周现身尖沙咀受访透露隔离期间辛苦到几乎精神失常，幸好没有留下后遗症，她说：“喺自我隔离𠮶几日，我真系差啲精神失常，因为困住喺间房度系好辛苦。当我困到第四日，我就忍唔住喺度喊，仲会对住空气中自言自语同老公讲嘢，话自己好辛苦，变咗我咁样做系可以舒缓到自己嘅情绪，不过最终都挨咗9日就出关，而家乜事都冇，做返一线歌手，连饭都可以食两碗。”
肥妈早前接受内地电台节目《丽人丽语》访问，她大赞中国医疗是世界第一：“我去咁多国家，人哋讲𠮶啲国家点好点好，假嘅、假嘅，冚唪唥都假象。冇人情味、冇亲情，一个咁嘅国家去嚟做乜啫！又话人哋𠮶啲医疗几好几好，有几好呀？嗱！俾全个世界睇晒啦，我哋中国呀，最有人情味，中国呀！最团结嘅，中国呀！我钟意睇中医又得，我钟意睇西医又得，点都得。”
点选睇肥妈病况：
+6
肥妈即席高唱许冠杰的经典歌《浪子心声》，自言曾边流泪边唱此曲，“真系好辛苦，阴公，睇到香港，搭地铁又打烂、呢啲又打烂，即系个人癫呀，你知唔知呀？点解点解，好多点解。”她又重申政治主张：“你钟意做美国人，你咪去美国啰，你钟意做法国人，你咪去法国，点解你要留喺香港？香港系中国㗎嘛！”
肥妈认为外国生活未必美好，她指部分移民港人“做医生走去做收银。”肥妈忆述当年发表爱国言论时“受咗好多苦”，被杯葛爆闹，所有广告被抽起，也无法靠登台赚钱，肥妈说：“𠮶啲讲话你敢请佢呀，我打烂你嘅铺头；我接咗个广告，佢都唔畀钱。冇所谓！我唔赚呢啲钱，冇妥协嘅余地。”
另外，肥妈又批评时下节目欠缺正能量，认为应该制作更多温暖人心节目，肥妈说：“唔好净系争产、杀人、为咗钱。”
肥妈于方舱医院隔离：