新冠肺炎｜肥妈出关复工好精神 呻隔离两个星期超闷︰辛苦到想死
撰文： 陈晓同
出版：更新：
现年68岁的肥妈（Maria Cordero）早前宣布确诊新冠肺炎，曾经发烧、咳嗽和气喘等，她更拍片对住镜头狂咳。6日之后，她的快测结果终于变成一条线，连讲3分多钟都未有再咳嗽，身体已逐渐好转！直到周二（5日），她拍片宣布自己出关复工，肥妈大呼︰“哗，放监呀今日！起码今日可以开工！哗！辛苦到呀……困住喺屋企𠮶两个礼拜想死。”
+6
讲起在家中隔离的两星期，肥妈除了消毒了屋内所有东西、所有角落之外，她表示这两星期是她人生中最闷的假期，“系闷到死，初初唔敢见啲狗，又唔敢出去啦！”讲起中招的经过，肥妈直言︰“其实我哋系松懈咗嘅，我哋以前……人哋一埋嚟，我哋食嘢，我哋即刻戴口罩，最近真系松咗，我真系𠮶廿分钟，人哋埋嚟倾咗一阵间咋嘛！真系㗎，我哋自己人就唔戴口罩，总之人哋一埋嚟同你倾偈，记得戴口罩。尤其是而家喺外国返嚟嘅好多呀……冇办法㗎啦，嚟紧呢七、八、九月呢，都会好上升，唔好谂住中咗、打咗针就唔会中嘅，中都冇所谓，我初初惊呀，未中过啊嘛你明唔明呀？好鬼惊㗎嘛。而家因为有打针呢，我成日都话因为有打针所以我哋冇事，OK嘅！”肥妈透露自己这两星期在家就是煮饭，因为没事做就日日下厨。片尾她又感谢所有粉丝的支持！
点撃下图睇吓肥妈间豪宅：
+17