开心无敌奖门人｜七线程浩骏升做奖老想以下犯上　曾志伟：你试吓

TVB游戏节目《开心无敌奖门人》昨晚（03/7）举行首集录影，除了有“奖门人”曾志伟、“奖老”钱嘉乐、阮兆祥以及一班嘉宾之外，还多了三位新任“奖老”麦美恩、吴嘉仪和程浩骏。不说不知道，两年前的程浩骏还在饰演“群众演员”，直到《爱上我的衰神》才获得一位算是有对白有名字角色。“奖老”程浩骏接受《香港01》访问时说：“到你真系有机会企喺咁多位‘奖门人’隔篱，真系唔敢相信，我何德何能呀？但系机会嚟到冇理由唔要。”

边个系程浩骏？

讲起“奖老”程浩骏，其实他在2017年读完训练班才正式加入5年，刚巧入行5年。程浩骏在这几年的经历大概与历年数百艺员相同，从低做起，一开始都只能担任“跑龙套”角色。他说：“通常训练班出嚟必经阶段都系做群众演员，或者叫‘反应堆’，即系前面系主角，我哋就喺后面净系做反应。”直到去年《爱上我的衰神》其中一集担任“忌廉宾”一角，才叫做正式地有自己的戏份。他说：“直至到今日终于可以做‘奖门人’，呀唔系，系‘奖老’，之前系字试过做综艺节目，所以我系紧张又期待。要坐到‘奖门人’呢位系冇可能㗎。”

“奖门人”曾志伟提携

程浩骏入行5年“升任”做“奖老”，实在是一件出人意料的事。他自言这5年之间曾经有想过放弃，质疑过自己是否适合“做呢行”，幸好终于得到机会。他说：“我唔知边个叫我，亦都冇问，因为边个叫我系唔重要嘅！我有得参与同埋做得好先系紧要。靠呢5年坚持，大大小小都要做好佢，所以得到奖门人赏识系开心嘅。”他也表示自己也打听，听闻“奖门人”曾志伟和导演对他印象也不差。

曾志伟点醒程浩骏

他自言，其实对“奖老”这个岗位很陌生和疑惑，感觉无所适从，说：“细个睇就睇得多，见钱嘉乐，林晓峰系度玩，但系‘奖老’系一个主持定要一齐玩？”最后他终于鼓起勇气向曾志伟请教，更得到他指点，说：“唔使惊，我哋会带住你，总之你当party，你当自己嚟玩就得。”

“奖老”程浩骏爆自己系被虐狂

问到《开心无敌奖门人》谁是“上下靶”，他直言自己喜爱被“糟质”，热爱做“下靶”，说：“隔篱咁多师兄师姐，我何德何能做上靶位呢？同埋做下靶位系最好做同最易做，我好想佢哋洽我，然后观众会同情我添。可能我有少少被虐狂，我反而期待嘉宾同埋奖门人、奖老点样‘糟质’我，系会掟Cream定真系拳打脚踢呢？”

程浩骏想以下犯上　曾志伟：你咪试吓啰

“奖老”程浩骏透露，有一天他突然想起可不可以 以下犯上“逆袭”时就问曾志伟这个问题，结果曾志伟就回答他：“你咪试吓啰，你照做啰我哋又唔系Live，唔得咪Cut咗佢再嚟过啰。”程浩骏说：“嗱，呢啲就前辈啦，佢唔会Ban你，佢会叫你做，但系个语气同个样就会话你知：‘你咪试吓啰，到时做咗后果唔知点。’我到呢一刻仲盘算紧，哈哈。”

入行5年谂过放弃：系咪应该转行？

程浩骏：“入咗行5年我成日都问自己几时有机会，到真系有机会，我反而问自己何德何能可以做奖老，何德何能可以企佢哋隔篱，但系机会嚟到唔通唔要咩。我之前成日做反应堆，其实系啱，因为我嚟到就系要无限畀反应，所以真系要多谢奖门人畀机会。坦白讲我曾经谂过放弃，系咪应该转行呢？啱唔啱做呢行呢？”