高海宁被指有意北上发展拒签无线：考虑紧自己想行边条路

高海宁（高Ling )早前拍住王祖蓝北上亮相内地节目揾人仔，有指她因客串演出内地剧《三十而已》而人气爆升，工作量及身价随之大副提升，并且在短短3个月就劲挣7位数。加上在两年前失落视后及最受欢迎电视女角色奖后令她心灰意冷，所以拒跟无线续约，甚至连邵氏也不愿签。

今日（27/6）高Ling现身将军澳出席无线新剧《童时爱上你》宣传活动时，就上述事件回应：“其实祖蓝带我哋上去做咗一个文化交流，而且呢个亦系一个好好嘅机会同体验，因为让我明白到，我哋喺无线所学到嘅嘢，喺上面系大派用场，而无线系将我哋练到一身好武功，当面对一个陌生嘅环境同自己唔擅长嘅嘢，我哋系好快适应同完成到。（同无线合约完？）仲未完呀，我仲系TVB嘅人。而合约仲有一段时间，咁公司都有同我倾，但就冇俾压力我，双方都有诚意咁倾紧嘅。（考虑中？）系呀，考虑紧自己想行边条路，考虑紧自己想点，咁所以俾啲空间我谂吓，因为我仲未谂到。”