黄嘉乐8.19娶摄影师江惠贤 感激未婚妻落手筹备婚礼：都七七八八
撰文： 吴子生
出版：更新：
黄嘉乐今日（25/6）现身中环出席好友陈健洪健身中心新店开张。提到上月向拍拖5年的摄影师女友江惠贤（Samantha）求婚成功，婚礼定8月19日举行，嘉乐接受《香港01》访问时表示：“其实婚礼准备都七七八八，而喺我拍紧《法言人》嘅时候，我未婚妻都安排好晒大部份嘅嘢，其实我个心里面系好感激佢。相反我哋都密切关注而家个疫情走势，希望唔会有咩大改变，其实我哋系担心紧个防疫措施嘅问题。而当日会喺酒店度行礼签纸摆酒一日搞点晒。”
被问到会否婚后极速造人？嘉乐笑言：“呢个要睇自己当时嘅工作状况啦，因为要有工作有收入先可以养妻活儿，咁所以希望大家畀多啲嘢我做，哈哈！（太太钟唔钟意小朋友？）太太系钟意小朋友嘅。但大家都想婚后先享受下二人世界先嘅，预期两年后先造人。”