谭俊彦曾经常因小事同爸爸狄龙嗌交　变人父后放下执着关系更亲密

狄龙一向以严父著称，视帝谭俊彦（Shaun）曾透露父亲狄龙曾经一气之下把他锁在狗笼内惩罚，令谭俊彦留下阴影大病一场，狄龙深感愧疚。不过随住谭俊彦长大变人父，逐渐明白狄龙的感受，两父子的关系亦重修旧好。

昨日（19日）是父亲节，谭俊彦和陈山聪受邀上无线（TVB）娱乐新闻台谈父子关系。谭俊彦透露原来除了锁入狗笼外，狄龙曾经为了测试儿子反应，遗下谭俊彦独自逗留于商场内，他说：“试过一次喺太古城，我阿爸行行吓特登走咗去，然之后就睇吓我会点样。”

谭俊彦指曾想模仿父亲，将这套方法用于子女身上，太太却强烈反对，他笑称：“我想再做𠮶阵呢，就俾我老婆闹死啦。佢话：‘你黐咗线呀你，你知唔知而家几多人系拐子佬呀？’”惹来陈山聪大笑。谭俊彦认为这年代的小朋友更注重面子，故此不能采用上一年代严厉的教育方式教子。

另外，谭俊彦又表示成为人父后，与狄龙不再因小事嗌交，他说：“做咗爸爸之后，反而你都想揾返你爸爸㗎。以前我同佢其实成日同佢嗌交㗎，成日为咗啲好小嘅事嗌交，呢个系我哋嘅沟通方法嚟㗎。但系而家佢好似连𠮶啲执着都放低埋㖞，咁咪可能系我又成长咗，佢又放低咗啰。”

同场加映：吴业坤澄清冇奉子成婚　太太被传媒追拍吓亲︰佢有啲惊咗