《有楼万事足》编导岑应嫁消防英雄 　 冇楼都嫁得：一齐储钱！

制作过《有楼万事足》、《盛女爱作战》和《没有起跑线》等争议性的节目编导岑应，原来已排期结婚了，老公更是淘大工业村迷你仓四级火灾的救火英雄蔡明曦，上年10月更在礼宾府接受《行政长官公共服务奖状》，岑应接受《香港01》访问，大赞老公是男神，她说:“我哋拍咗4年拖啦，喺我拍完《盛女爱作战》后，朋友party识，我当时仲系剩女，佢系前年朋友party度求婚，(佢有份参与迷你仓四级火警?)系呀，佢有份救场火，我哋就唔会摆酒喇，但会屋企人食餐饭啰。”

听到嫁给消防员，相信所有女仔都会羡慕，但岑应老公更夸张，因为消防英雄原来喜欢做家务，她说:“佢系我男神呀, 好英伟㗎，(8旧腹肌?)佢以前有8旧㗎，家阵就冇喇，6神合一喇，但我好欣赏佢，消防工作其实好辛苦，佢系一个黐家，住家好男人，会做家务嘅人…”丝打是不是很妒忌呢?岑应除了制作的节目充满话题性，其实本身亦是一个话题，难得她的消防员老公就好明白，岑应说:“佢有睇过我啲节目嘅，佢就觉得冇咩特别，(会唔会觉得妳港女？)佢no comment， 但我一定自知系正宗港女。”早前“有楼有高潮”成为本地金句，岑应就表示丈夫暂未有物业，但不介意和老公一齐储钱，岑应笑说：“未有𠮶种高潮，大家一齐努力储紧钱买楼，生小朋友我就随缘啦。”真系恭喜晒！