林作批“港姐9成系猪扒” 冯盈盈语窒：我俾唔到咩评论

冯盈盈今日（10/6）现身九龙湾出席无线全新健康资讯节目《健康100错》宣传造势活动。冯盈盈表示：“原来节目当中有提及到原来女仕们普遍爱贪靓唔晒太阳，怕晒黑，原来咁样做系会增加骨质疏松嘅风险，咁所以令我更加要注意呢方面。（公主病搞唔搞得掂？）好在我冇公主病啫，哈哈！（有冇检查清楚？）放心，我本身都冇，你识我咁多年，你觉得呢？哈哈！”

被问到林作早前批“港姐9成系猪扒”，有如何看法？冯盈盈语窒：“我觉得……真系冇意见，我俾唔到咩评论。（今届嘅港姐质数如何？）我都未亲身见过佢哋，虽然有睇报道及睇直播见到佢哋个样，但都未系真相嚟。咁所以未必有图就有真相嘅，我系好期待可以同佢哋亲身接触。”