被消失的凶案︱张兆辉重现“水箱藏尸案”：拍到天黑都唔知
身在内地的张兆辉，虽然人不在港，但辉哥本月有两部主演的电影上映，分别是《被消失的凶案》和《一样的天空》，辉哥不担心自己打自己，希望香港电影业尽快回复正常，因为都停咗好耐，所以希望观众入场支持。
《被消失的凶案》的导演罗守耀，与辉哥合作无间，今次故事蓝本来自1983年“土瓜湾道水箱藏尸案”，当年辉哥忙于拍剧，对这宗轰动的新闻未有为意，他坦言：“83年，我日拍夜拍，冇留意呢单新闻，但都唔紧要，罗导演搜罗好多资料、报纸，以及佢知道嘅蛛丝马迹都会话畀我哋听，令我明白咗点样去演绎，亦清楚导演想拍啲乜嘢、想表达啲乜嘢。”
新闻事隔三十多年后搬上大银幕，辉哥是罗导演钦点的灵魂人物，由他去调查悬案，辉哥谦虚说：“哈哈！咁可能我真系似𠮶个老差骨啰！同罗生合作过好多次，佢非常了解我可以畀到乜嘢佢，而演员知道导演想点做便去做，我一直相信系角色带动演员，今次好多谢罗生写呢个角色畀我演……（有冇咩难忘嘅事？）𠮶场我俾律政师审问最深刻，78页纸喺室内拍咗五、六日，啲灯一直着住，拍到天黑都唔知，有时还要即时改剧本，围读嘅时候好似考会考咁，哈哈！但拍摄时，大家系好开心嘅……”
疫情缓和，政府宣布4月21日放宽防疫措施，戏院重开，对影迷固然天大喜讯外，辉哥本月有两部电影上映，辉哥表示：“咁啱啫！当然戏院重开大家都好开心，等咗咁耐，疫情大家都好想去舒展下、睇下戏，能够有咁多好戏上亦好难得，畀多几套我一齐打都得嘅……”
虽然自己打自己，但《被》和《一》戏种不同，角色的人物性格也有很大反差的，辉哥在两部戏中也有很大发挥，合作无间的罗守耀导演和新晋导演潘梓然，两个不同时代的导演合作，辉哥看得很通透，辉哥说：“唔同时代当然有好多嘢唔同，不过佢哋有个共通点，就系两位导演喺心目中都有一个正确嘅想法，佢哋就会喺画面上表达想讲嘅故事出嚟，基本上除咗年代嘅气氛，镜头运用外，都系同一样思想，都系想表达自己一啲想讲嘅嘢畀人听，只系表达形式各异。”