婚后事｜陈自瑶同黎诺懿拍亲热戏嘴都肿晒：唔系点到即止𠮶只！
撰文： 吴子生
出版：更新：
陈自瑶（Yoyo)今日（26/4）现身电视城出席无线剧集《婚后事》造型记者会。首次担正做女一的Yoyo坦言接拍此剧大感有压力：“其实呢个嘅剧本真系几难演，当中里面有太多嘅感情位同情绪位，又会有好多喊戏同崩溃戏，故事里面有错综复杂嘅关系，有出轨，不忠背叛等元素系入面，咁所以情绪上面系好起伏。而每次拍完之后精神上系好攰亦好大感受，试过拍完返到屋企，个情绪仲未抽离，跟住会喺屋企喊，讲真我拍剧咁耐真系未试过咁样，真系第一次。”
此外，陈自瑶透露在剧中与黎诺懿拍亲热戏时，搞到嘴唇肿晒：“其实我同佢拍𠮶场亲热戏，并唔系点到即止𠮶只。记得有一晚我哋拍锡戏，竟然系拍咗成晚，系拍到个嘴好攰，系拍到个嘴肿晒，咁所以啲亲热戏唔好谂住咁浪漫，其实系好辛苦㗎。”