苏施黄YouTube频道环比收费　肥妈觉得冇做错：有人肯畀咪得啰！

苏施黄（阿苏）早前宣布其拥有16万订阅人数的YouTube频道“教煮苏 This is So good”将会采取会员制，如想收看影片需要每月付费，由每月$80到$800不等，引起网民抨击抢钱一样，又有不少观众决定转睇肥妈。肥妈今日（24日）出席活动时表示，觉得阿苏的做法并无不对，只是自己一定不会向观众收钱。

肥妈在YouTube上坐拥18万追踪者，除了会拍片教煮𩠌，亦会分享日常生活点滴。肥妈坦言自从丈夫于前年去世后，再加上因疫情关系无法见到住在外国的子孙们，因此只能寄托在YouTube和Facebook等社交媒体上教观众煮𩠌，因此自己并不会仿效阿苏采取会员制的做法“我好多谢YouTube同Facebook嘅朋友帮我度过难关，呢两年几佢哋畀到个动力我去拍片，‘礼拜六啦礼拜六啦煮咩呢煮咩呢’，系佢哋帮助咗我畀信心我，我唔敢收佢哋费。”

肥妈表示环比收费其实并无不对，因为在YouTube拍片亦是一份工作：“好多人都利用平台揾钱，呢个都系佢（苏施黄）嘅工作嚟，我觉得佢（收费）系啱㗎㖞，佢话收，有人肯畀咪得啰，唔可以抹煞人哋有呢个能力开到呢个价，我觉得佢冇唔啱！”

另外，曾制作《食平D》系列的前TVB非戏剧节目监制及经理张志明最近在开电视推出饮食节目《疫境中的餐桌》，他日前接受访问时疑投诉肥妈的节目《全民居家煮嘢食》构思相近有抄袭之嫌，肥妈表示相信是一场误会：“冇商讨过，我都唔知，我记得佢哋无线打俾我，话想我喺屋企做四集教大家用罐头煮𩠌，就系咁！佢（张志明）有咁嘅谂法我又唔知，佢打过俾我嘅助手唔知问咗啲乜嘢嘅，但呢个系风马牛不相及嘅嘢，系冇讲过呢样嘢！我使唔使抄人啫？做YouTube我几年前都做啦，如果系咁我咪话人抄我？我谂大家都唔会啦，张志明都唔系咁嘅意思，我同佢熟到痺，系㖞，我要揾佢饮茶添啊！”