肥妈遇年轻职员帮忙　狂评价年青人︰有部分唔好但好多都锡老人家

现年68岁的肥妈（Maria Cordero）有开设个人YouTube频道，她不时会分享煮食片、做运动片段和分享日常生活等等。日前，她就拍片以“今日出门遇到一件好人好事 真系特别开心！”为题，大赞她遇到一个好帮到手的发型屋职员，之后更赞时下的年轻人，直言︰“唔好成日话而家啲后生唔好！系‘树大有枯枝，族大有乞儿’，系咪啊？”

肥妈在发型屋整头边拍片，加上没有化妆，以最真一面示人。她表示自己揸车去整头发，因为要用导航，就将电话挂了在车上，之后就忘了拎电话，去到发型屋门口要用“安心出行”才想起，心急之际，有人帮忙，她说︰“𠮶个女仔好好！𠮶个reception，好似系经理，好好！真系好好！我话‘你借个电话畀我，我打电话叫工人由屋企拎第二条锁匙出嚟’，佢话‘唔好啦咁远’，我话‘真系好远㖞！仲要行三层楼’，因为𠮶度冇䢂，要行三层楼上去攞。”对方坚持帮她，所以她才可以顺利整头。

肥妈看来感受好深，且好开心，继续大赞该职员，“有时唔好净系成日讲唔好嘅嘢，有啲后生真系好好，好锡我哋啲老人家㗎，我真系要特登拍个片多谢返佢。真系多谢佢！因为我哋几廿岁，又行楼梯，最惨个停车场冚唪唥行楼梯，行到上顶楼三层，仲要唔系隔离，系行好鬼远！唔系唔得，老人家会辛苦啲，但系我真系冇嗌佢，系佢自己话帮我攞嘅，唔使我个工人咁辛苦。”

向来对年青人颇有意见的肥妈开始赞时下的年轻仔女，她说︰“唔好成日话而家啲后生唔好！系‘树大有枯枝，族大有乞儿’，系咪啊？系有部分唔好啫，有好多后生仔后生女，都系好锡我哋老人家嘅，同埋好关心人嘅，我哋真系睇嘢唔好一面倒去睇唔好嘅嘢，十只手指都有长短啦，我而家净系希望大家好似我咁，睇到啲后生仔又好，睇到咩人做啲好事呢，我哋大家表扬佢，讲出嚟，咁样会唔会令到个社会和谐啲，令到个社会开心啲，令大家都开心啲呢？”

之后肥妈突然说︰“嗱，我拍完呢条片又俾人闹㗎啦，又唔化妆又唔梳头，咁你就去拍嘢？咁我真面目去见人，我觉得冇乜所谓啦可？你都唔会介意啦？我本来想开live𠻹啊！”她又强调︰“真系要赞，我今日真系好开心，撞到个咁好嘅女仔，又后生，又靓又好，相由心生，个人心地好都靓啲。”

点撃下图睇吓肥妈间豪宅：