经理人林宝玉出招成功申请保释上诉 薛影仪当庭释放：单案好小事

“亚视一姐”薛影仪于去年9月因无戴口罩，被街坊追骂拍片感不满，涉嫌“起飞脚”袭击对方受伤。事后被警方控告一项“普通袭击”罪及违反预防及控制疾病(佩戴口罩)规例》。今日（21/3）于屯门法院提堂罪成。“普通袭击”罪被判入狱两星期，无戴口罩罚款港币五千元。

经理人林宝玉到庭听审知道裁决之后，方寸大乱，即时与同行律师相讨对策。然后向法庭申请保释上诉。法官再次开庭，并接纳其申请保释上诉，需缴交保释金五百元。林宝玉出招成功保释申请上诉后，携同薛影仪离开法院时接受《香港01》访问表示：“而家我哋公司会承担晒一切所有嘅律师费，同时会全力咁去协助佢度过难关。（刚才喺覊留室探望阿仪时感受如何？）感受好深，因为我系咁第一次隔住铁窗接触佢，当我见到佢好无助嘅表情，加上冷冰冰嘅环境，令我觉得好难受。同埋见到警员命令佢要除鞋带嘅时候，佢完全听唔明，目光放空。咁我就同佢讲阿Sir想你除鞋带，然之后佢就跟住我所讲去做。𠮶一刻我个心好心酸，发觉原来大家相处咗咁耐，佢个心早已同我连结咗。”

薛影仪被问到可以保释心情如何？阿仪表示：“咁又冇乜嘢，因为我要申请上诉。（刚才得知要监禁，是否有感到恐慌？）唔知呀⋯⋯系呢，唔讲喇。我𠮶单案好小事嚟。（有否后悔做错事？）唔讲喇，都系唔讲喇，系咁啦！”