涉案狗主逃逸｜邓美欣被洛威拿犬突袭手重创恐残废：做咗2次手术

前《娱乐新闻台》女主持邓美欣（Venus)日前带爱犬“天霸”到狗公园散步时，突然被洛威拿犬攻击引致右中手指严受伤，而伤人狗主见状即时拖住恶犬极速逃离现场。事件曝光后，引起全城愤怒，有网民大闹伤人恶犬狗主不负责任，见死不救，更发起全城缉凶，誓要将涉案人绳之于法。亦盼警方尽快拉人捉狗，避免再有受害者。

身心受创留院的Venus接受《香港01》访问时讲起事发经过心有余悸：“𠮶晚我拖住只狗入狗公园散步，行到入口处，突然有只黑色嘅洛威拿犬突然扑埋去我只阻狗度咬住佢，于是我就伸手拉开𠮶只洛威拿，点知只洛威拿就咬住我只手系咁扭，𠮶一刻我痛到大叫，而洛威拿嘅狗主就即刻走埋嚟扯开佢，只狗就松开咗我只手，当时只手好痛而且不停咁流血，我问洛威拿狗主点算，对方只系望咗我两眼就走咗，𠮶一刻真我唔知点算好，因为我从来遇过咁嘅突发事情，幸好现场有其他放狗嘅好心人帮我报警叫白车，仲帮我止血，我啲衫裤鞋同地下都沾有血渍。”

Venus由救护车送往医院急症室，经诊断后，医生认为伤势十分严重，不建议即刻施手术，需要再作进一步详细检查后再做手术：“医生话我个伤口好深，怕我伤到神经线，所以要做个详细嘅检查。到我做完手术之后，药力散咗之后，我系喊住问护士攞止痛药。因为真系好痛。因为打麻醉药嘅时候，佢哋系打落手指啲关节位入面，而我系急症室打咗两支针，再到上房又打第三针，都系𠮶度位置，所以好痛好辛苦。之后医生话要再安排做第二次手术，原因系伤口筋膜发炎。到第二日我完成埋第二次手术，医生话我条筋有披口，所以惊我会受到感染，而影响日后嘅活动能力，同时转介我去做物理治疗。而家个伤口仲系隐隐作痛，𠮶件事令我仲系好惊好焦虑，医生要我留院观察多几日，睇吓个伤势进展成点。”