曾志伟认TVB逾500人确诊新冠　爆“闭环式管理”设大帐篷瞓户外？

无线（TVB）总经理曾志伟和钱嘉乐今日（19/3）现身电视城出席新综艺节目《讲你都唔信》拜神仪式。对于近日有指TVB因疫情大爆发，绝大部份剧组被迫停厂招致损失惨重，故推行为期约三星期“闭环式”工作空间，曾志伟接受《香港01》访问时表示：“其实我哋只系计划‘闭环式’封城工作，主要系万一政府执行封城措施时，而我哋作为一间电视台必须持续有效提供娱乐及正常资讯广大市民，咁所以我哋作出咗唔同嘅准备。而现时政府暂时未执行，咁所以我哋就预演先，做定事前嘅工作，随时作出应对。”

谈到有指TVB有超过五百名员工染疫，曾志伟坦言消息属实：“五百松啲，而呢五百人唔系喺电视城度感染，而系极少部份人喺电视城感染，因为入城前要做检测，呈阳性我哋会叫佢返屋企。而部份剧组亦都陆续开工。（停厂损失几多？）十蚊百蚊，哈哈！其实全香港各行各业都损失啦。”问“闭环式”工作空间实行时，如何安置留宿员工？曾志伟表示：“我哋会喺电视城露天大停车场搭建两个大帐篷一个系女性专用，而另一个系男性专用。最重要唔怕风吹雨打先啦，因为而家天气好番，又唔会好似之前天气咁冻，咁所以喺度瞓就冇咩问题。只要当政府宣布解除封城令，我哋就会照常出入。”

至于被问到大帐篷内会否设置独立间格保私隐度，志伟打趣说：“仲使唔使地毡呀！仲要一间间。哈哈！为咗佢哋嘅私隐，其实里头仲可以搭帐篷嘅，所以我哋就就分咗男女帐篷，原先本意就希望唔分嘅，但冇可能啦，如果畀佢（钱嘉乐）同罗兰姐⋯⋯咁所以申请都要睇人嘅，唔系睇女士系睇男士，就好似钱嘉乐呢啲咁猴擒就唔准嘅，因为佢瞓咗有梦游，专袭击女性。（咁佢应该要绑条铁链！）哈哈！系呀系呀用铁链，啱喇！”搞到身边的钱嘉乐笑住回应：“一阵饮茶倾下，用咩链，哈哈！”