花姐感触指唔啱做经理人　被指态度嚣张感不快：我觉得自己好卑微

花姐成功孕育出人气男团MIRROR和ERROR，继上星期在YouTube节目《丝打围炉》分享挑选男团时的情况和准则后，今个星期她就大谈做经理人的感受。花姐是当红偶像的经理人，而她自己亦接下不少广告，正当外界以为她或多或少感到自满时，但花姐却略带委屈说：“我觉得自己好卑微。”

MIRROR和ERROR得到大众喜爱和认同，主持人虾头问花姐有否曾经觉得自满，或者心态上有没有变化时，花姐先感触表示：“讲呢啲会喊，但我唔会喊”。随后再坦言这个问题一直困扰她：“有个好亲嘅长辈好恶同我讲，‘出面啲人话你做咗经理人之后态度变晒，嚣张、不可一世’，佢再讲边啲人话我，原来系啲曾经好Friend嘅人，我就好唔开心，我觉得我做咗经理人之后好卑微。”

花姐解释以前做监制时可以控制导演、可以做自己喜欢的节目，但现时的工作就像保姆一样：“我同返长辈讲，我为咗我份工感到自卑，但你哋竟然话我沾沾。”她说真诚待人一直是做人基本原则，所以听到这些评价后很不开心：“我觉得自己冇变过，之不过而家职业、工作性质令我对人态度唔同咗，唔可以粗声粗气、好多嘢就算同朋友都唔讲得，大家就会觉得，你而家唔同我讲嘢、唔约我食饭，呢个人嚣喇，其实唔系。”

花姐感触指自己不适合做经理人，假如公司找到更合适人选捧MIRROR和ERROR，花姐大概会一口答应放弃：“应该有个更好嘅人，令佢哋上得好啲，当然会唔舍得，但唔会唔畀，我始终唔系做紧一样好钟意嘅嘢。”

花姐坦承自己也有梦想，但做经理人后只是替别人实现梦想：“好想同老公去旅行，好想拥有全自己监制、写稿、拍摄嘅作品，我年纪唔细，再唔快啲做就冇机会，但我用咗呢段时间凑MIRROR、ERROR。所以大家话我好嚣张、好得戚，你就更加唔开心，明明唔系想要呢啲。”工作上遇到的种种困难和不快，花姐庆幸老公成为最强后盾，外表强悍的她在老公面前亦会变回小鸟伊人的模样。

点撃睇花姐点讲：

同场加映

花姐《造星》海选已认定姜涛　不理众人反对坚持签阿Jer：好自豪