花姐《造星》海选已认定姜涛　不理众人反对坚持签阿Jer：好自豪

花姐成功孕育出人气男团MIRROR和ERROR，昨日（25日），她现身YouTube节目《丝打围炉》担任嘉宾，与虾头（杨诗敏）及娟姐（练美娟）大谈当初挑选男团成员时的情况，她坦承自己不是一位有经验的经理人，凭着“女人的直觉”育成今日风靡万千少女的偶像组合。

身为“万人迷”的经理人，花姐笑言少女时期都曾经有偶像，分别是梁朝伟、金城武和张国荣，自认“外貌协会”的她坦言梁朝伟的一个眼神已足以电晕人。她亦试过追星，但却不是追这三位万人迷：“中学年代试过追黄凯芹，佢同周慧敏做DJ，就系门口等佢。佢一行出嚟就追完，我怕丑冇尖叫。你问我钟意黄凯芹啲咩，其实我答唔到，就系佢个节目好受欢迎。”

对花姐来说，“外貌协会”并不一定是靓仔，可能是有观众缘或者很可爱。她坦承自己不是一个有经验的经理人，当初只是单凭女人的直觉拣选男团：“呢个男仔好热血、呢个男仔人品几好、呢个好勤力，呢个跳舞时特别Charm我就拣。”

数到最令花姐自豪的，就是选了金Jer（柳应廷）入团。她重提《全民造星》时，阿Jer第一轮就被淘汰令她非常错愕：“第一轮彩排已经觉得冇理由唔入，佢唱歌几好，入唔到好后都应该入第一轮，就好放心。点知第一Round就Foul走，我心谂，冇嘢呀嘛评判？”。花姐看到赛后的阿Jer非常心痛，决定要再给他一次机会：“我出去见佢喊苦喊忽，跟住就好心痛，明明唱得咁好又咁有梦想，特登辞埋份工嚟参加，就咁就俾人Foul走。有个复活赛畀五个人返嚟，唔使谂第一个拣阿Jer。”

事后她不理众人反对，坚持要签阿Jer入男团：“𠮶时决定签男团，我提阿Jer个名大家即刻望住我，‘冇嘢呀嘛，拣阿Jer’，成张台二十个人望住我，‘签阿Jer？阿Jer个样好衰下’，我觉得阿Jer真系OK，就夹硬留住佢。”签阿Jer亦成为花姐最自豪的决定：“佢唱歌好好听，我𠮶时拣MIRROR都冇乜边个唱到歌。啱啱出道时候，点都要有几个唱到，阿Jer系必入人选。唔理大家反对都坚持有佢，所以我好自豪呢件事。”

必入男团的除了有阿Jer，当然不少得姜涛，花姐直言“试镜一入来就知道系佢”：“Sharp到爆，点解ViuTV咁好彩，如果佢喺街行应该一早俾人签咗Casting时，已经觉得佢好啱做呢行。第一佢好年轻，第二系佢靓仔，好少喺香港揾到呢种轮廓嘅男仔。同佢倾偈好似冇咩自信，一唱歌又变咗另一个人。Casting过程就会觉得佢好Cute，佢对住你唱歌会觉得有啲唔好意思。”

花姐笑言结婚前都是一名姣婆，每一刻都想着男人，但做了MIRROR和ERROR经理人后，却对男人完全失去兴趣：“喺我思想冇男女之分，就算佢哋喺我面前换衫都唔会有任何谂法。有时好急，打晒底喺我面前换裤，唔会有感觉。”

虾头和娟姐要花姐在MIRROR、ERROR当中选出老公、男朋友及情夫的人选，花姐思考一轮再回答：“用性格去拣，老公拣阿Dee，好识保护身边人、又识讲笑话、又温柔，人又率直。AK同Lokman就做男朋友，好识照顾人，AK突然又会浪漫，可惜佢而家钟情事业话唔拍拖，而且我系佢老母，唯有下世。同埋AK一定唔会呃人，够直接唔识讲大话，所以好有安全感。情夫就193，应该几好玩，佢系好有情趣、好创新嘅人，唯一唔好系唔可以带佢偷食，因为佢太高太易俾人见到。”

点撃睇花姐老公、男朋友及情夫人选：

同场加映

姜涛连番追问“钟意我定Anson Lo”　赞小妹妹答案出色：有前途！