【亲亲我好妈】何广沛都有MK时　金毛扮反叛：外形搭够就有个势

TVB剧《亲亲我好妈》自播出以来反应不俗，除了题材大讲怪兽家长够晒贴地，正中不少父母内心深处外；另一女新星江嘉敏以校服Look粉墨登场，让观众觉得她又pure又true，使她人气急升。不过除了这两大看点，同剧还有个何广沛，虽然近期“老是常出现”，但他既然被网民誉为2017年上位男艺人，有一副小生相，就一定不能够忽略啦，系咪先？不过何广沛对于自己外形，他以“丑小鸭”来形容，他可塑性高的事实，一切由他18岁后除下厚重眼镜开始。

话说何广沛接受《香港01》访问之前，正是他为接拍新剧《天命》剃头的前一天，谈起发型问题时，他除了不舍一把秀发，还提起18岁时曾留过“MK头”，睇一睇相！哗！系传说中嘅“飞轮海头”呀！骤眼一望，长发的何广沛，与日本男星小池彻平有几分相似。好多人都会对过去感到不堪回首，认为那都是黑历史，但何广沛就话：“唔系㖞，我仲好钟意呢几个发型好型㖞！同埋我唔觉得系MK，不过其他人实会咁觉得。”

望住呢几张相，何广沛话：“个阵时好Hit F4、飞轮海头㗎嘛，成头金色咁。谂起以前我gel头好叻㗎，但而家就唔识gel，以前起码都要用一个钟头gel个头，仲要逐条逐条gel㗎！我谂而家好难再有咁长头发啦，𠮶时啲头发长到人哋搭我膊头都会扯住。”何广沛笑言如果下一套剧可以做返MK仔，应该都会好开心，所有回忆都返晒嚟。

眼见何广沛18岁就一副明星脸，相信他年轻时一定劲受欢迎，谁知他连声否认：“唔系㗎，我以前沟唔到女㗎！同学都唔会谈论，𠮶时又带眼镜，又唔知自己除咗眼镜会靓仔咗。”直至何广沛除下眼镜的一刻，让身边朋友眼前一亮，陆陆续续地被人封为万人迷，所以何广沛形容自己以前是“丑小鸭”，若不是他意外一脱，大家可能会错过呢位靓仔。

讲起以前的校园生活，对比他在《亲亲我好妈》饰演的反叛文亮熙，当然差好远啦，但他笑言以前班上同学都会不自觉地怕了他：“我生得高啦，咁啱有10个男仔差唔多高度嘅行埋一齐，有外形搭够就会有个势喺度，啲人望到就会惊，但其实咩都冇做到，得个壳咋！”讲起在学校做过什么坏事，何广沛就话：“掟粉笔就唔讲啦，试过夜麻麻偷走出去，第二朝返学就瞓觉啰。不过我系老师心目中都唔系曳，因为我个样望落唔算曳，而且我识攻下心计啦，会做Miss得力助手，所以有咩事都会豁免我。”曾被Miss形容“练精学懒”的何广沛直言学生时期唔读书：“讲真！我而家读书仲多过以前！因为要睇剧本！”

由校园生活到现时演员生涯，何广沛颇有人缘，被大多网民睇好，认为“2017年上位男艺人”非他莫属，又封为TVB小鲜肉，评价大致理想。他说：“我有留意相关嘅言论，都开心嘅！始终都有人留意，但最紧要Keep住有嘢做，唔系讲完就算啦，始终呢一行可能转个头就冇嘢做，都会担心嘅。”所以何广沛唔介意自己不停出现在电视上，尽量洗观众脑咁话！