【亲亲我好妈】江嘉敏被雪　江美仪替“乖女”不值：等件事丢淡

无线剧《亲亲我好妈》反应理想，今日一众演员江美仪、黄智贤、陈敏之等人到小西湾一间中学出席宣传活动，与一众学生大玩游戏。对于收视成绩不俗，两位主角黄智贤与江美仪都松一口气，江美仪表示：“我晚晚都会同阿Ben用Whatsapp倾计，有次仲倾到喊，因为拍呢套剧都有好大压力，始终杜生（杜之克）都安排我哋拍呢套戏，对我哋都有期望。”黄智贤与江美仪不求添食，只求下次再有机会合作。

另一边厢，饰演两人女儿的江嘉敏多次缺席宣传活动，被指因接拍ViuTV剧集《三一如三》而被TVB雪藏。对此，江美仪都希望江嘉敏尽快解决事情：“世事好多嘢都唔系我哋可以控制到，既然发生咗啲事，尽快解决咗佢啦。”江美仪又透露对方一直有联络，并且开导她：“我有同阿女出嚟食饭，咁啱得咁桥我第二个女又系新西兰返嚟，几个女一齐出嚟食饭，佢都有同我讲呢件事，咁我就同佢讲，你等套戏出咗街先，等件事丢淡啲啦，咁观众反应好嘅，你咪上去艺员部，睇下可以点样解决到件事啰，咁签咗咁多年，唔会咁多年都雪嘅我觉得，我觉得都系争少少磨合嘢㗎啫。”黄智贤都表示认同，“乜嘢都可以解决到嘅。”江美仪再续道：“乜嘢都可以解决到嘅。”

有报导指江嘉敏被雪藏的另一原因，是太有主见，TVB有意安排她入训练班，再指导一下。江美仪就不同意：“唔系㖞，佢好乖㖞。”黄智贤就觉得：“佢系聪明嘅，亦都好fresh啦，如果唔系都唔会咁广泛地受欢迎啦，我都觉得系冇嘢系解决唔到嘅，可造之材公司都会睇到。我觉得演员有啲嘢要经历嘅，经历过之后就会成长嘅。”江美仪再补充：“公司都会知道，都算啦你都做得几好，可能会原谅佢呢，经一事长一智下次咪唔好错啰。”两人都认为江嘉敏仲系细路女，公司都应该要畀机会佢，最希望对方大结局时可以一齐食餐饭。