【有楼万事足】23岁男靠父干买450万楼　借8成半按揭：我自己供紧

无线话题节目《有楼万事足》今晚来到第三集，讲起“成功需父干？”的话题。节目里，有父母见仔女都未长大成人，就已经买定楼先，夸张到：“仔一层，女一层。”第一个反应就觉得有冇咁有钱？第二个反应就可能葡萄他的仔女。事实上，节目里有个“父干”例子，就是23岁年轻人Ernest，现与父母住于南区私楼。2015年，在他21岁之年，在父亲的帮忙之下，Ernest还在读书的时候，成功以八成半按揭购入450万、位于薄扶林的私楼，现时该单位用来收租。片段有一句讲到：“听到450万，就即刻拎支票出嚟落订。”仲话：“450万已经好平啦㖞。”虽然是剪接效果，就算不是100％父干，其实都嬴晒、过得轻松啦！

记者致电过Ernest，他就澄清整件事的经过，指自己并不是100％靠父荫：“其实我爸爸之前系反对㗎，因为佢承受唔起楼市会跌，经过大家一番讨论之后，觉得一家人都承受得起，就说服到我爸爸，佢就帮我出啲钱咁，买咗个单位。”正当以为Ernest有父干帮忙，直接full pay，他笑言：“而家冇人会full pay㗎啦。”而Ernest最开心的是，现时楼价高企，都能够揾到一个笋盘：“睇单位见到有个凶宅都差唔多500万，然后见到有单位价钱仲低过凶宅，真系觉得好好彩。”买了层楼，现时Ernest就用来收租，又希望父母退休后，都有钱洗吓。问到如果将来结婚，会否搬入去住？“咁又冇谂，不过我坐喺𠮶个单位都觉得系正嘅，都想入去住嘅。”

提到时下年轻人埋怨冇钱买楼，Ernest就有一番见解：“虽然而家呢个时代，多咗好多物质，又有好多娱乐，年轻人就话储唔到钱；但我父母𠮶一代，都系一样会有娱乐，但都可以储到钱买楼。仲有就算我自己都有楼，而家都一样要自己畀钱供紧，所以都想同大家讲只要努力，生活节俭啲，唔好有咁大花费，咁就唔会呻话冇钱买楼啦。”对于时下年轻人钟意周围去旅行，Ernest都话同意刘鸣炜讲过，“如果想买楼，一年去少几次日本”，“只不过佢（刘鸣炜）讲完俾人闹，系因为佢有钱。”而Ernest向来都甚少去旅行，没有额外花费。

不过Ernest就话，人生唔一定要有楼，“如果追梦同买楼之间，就要衡量下。追梦你有talent，自然就会有人畀资源你去追梦；但好似我呢啲唔系好标青嘅，就不如稳稳阵阵买层楼，我系会咁样睇，唔会话追梦系嘥气啰。”至于自己受访片段今晚出街，怕不怕自己以有“父干”上车的身分，去鼓励储不到钱的年青人，会被人狠批？Ernest就话：“我都尝试以正面嘅方法去讲，要妒忌都冇办法，明白嘅人自然会明白自己。”