【有楼万事足】极悭男守得云开现月洗5万　奉劝大家悭钱要及时

自从《有楼万事足》“极悭男”案例出街之后，网民都非常诧异：“50蚊一日系点做到？”、“依家食一个餐都唔止50蚊㖞！”、“悭到咁真系值得吗？”。不过，同时都有人对岑先生大为欣赏，亦好奇上到车的他，有埋老婆仔女，仲可唔可以一日使50蚊？

岑先生对此表示：“依家当然唔得啦，我一日只用50蚊嘅时候，系讲到十几年前，差唔多SARS嘅时候。都知道依家年轻人想储钱买楼，一日畀自己用50蚊系难嘅，都可以酌量用多一百蚊一日啰。”咁岑先生讲出自己极悭的心路历程，又系为乜？他说：“其实都系想话畀大家听，储钱要趁早开始。加上有好多年轻人呻自己买唔到楼，系正常嘅，边有人一读完书就买到？所以我都想同佢哋讲，悭钱系可以买到楼，不过系长时间同埋辛苦自己。”岑先生强调储钱系100％靠自己，对于节目另外一个受访者Macy每月储到105％，但原来系用尽家人、男友资源，就不太同意这个做法：“如果你有‘父干’，而你爸爸为你买完楼后，唔会乜都冇咁都可以接受，但要人为你付出连棺材本都用埋，我唔支持啰，一定要靠自己。”

岑先生现时上了车住在西半山，再也不能像以前悭钱时代，使费直头几何级数上升，他在电话表示：“屋愈住愈大，钱愈使愈多。”即是岑先生有换过更大单位？他后来在WhatsApp表示一直住在西半山，没有换过楼的意思，他再解释：“依家要供楼，每月都要用成3万元。再加上家庭种种开支，又要2万几。所以依家唔再好似当年一样悭咁多钱了！整个家庭开支，要由我一个人负担。除以1个月30日的话，每日要近2千元！结论系，如果大家唔趁后生节俭一啲，人愈大，身边愈多人要你去照顾。到时，你父母退休冇收入根本冇办法进行悭钱计划。”