【有楼万事足】极悭男其实系人生胜利组　有楼有老婆有生意

《有楼万事足》今晚播出第二集，当中会有早前跟大家提到的“极悭男”岑先生。他过往为买楼，曾每日只限自己用50蚊，又只用2G手机，更甚少出席朋友聚会，为了100％储到钱，连拖都唔想拍。岑先生的案例一出街，不少网民就疑惑，要有几辛苦才能悭到咁尽？又问到：“如果为咗层楼悭到咁，人生仲有咩意义？”。同时对他用2G手机感到有趣：“估唔到依家仲有人用Nokia 7100。”对他都非常佩服。另外，有乐观的网民就替“极悭男”讲说话，表示：“有楼自然有女埋身”，又未至于什么都没有。

《香港01》就此致电过现为食物批发商老板的岑先生，他就澄清现时并非单身，已经结婚7年，更有仔女，过往8年并不是0拍拖0社交，不过就强调拜金女绝对埋唔到身：“其实TVB喺访问入面冇问过我嘅感情状况，著重我储钱的过程。储钱的初期我的确会比较抗拒拍拖，所以我都避免有呢件事发生。直到储钱嘅中途就遇到另一半，大家价值观都相近，都知道目标系想有个安稳嘅地方，一齐去努力，谂法唔一致嘅都唔会有发展可能。”岑先生就算不用拍拖的时候，他亦自豪不是低头族，出外多做义工等活动，反而多咗朋友，并不是大家所想，人生只得一层楼。

那么，一日只用50蚊，又点样拍拖呢？岑先生说：“其实一般情人节等日子，我都不会送花。食饭大多数都去彼此的家解决，顺便可以见见家长。日常生活又不会特意去行街Shopping，选择去散步，行行海滩。如果送礼物，我都会自制心意卡，亲自剪贴突显心思。”他也承认自己在异性眼中不太会用钱买浪漫，而且要另一半一直陪自己悭也不太好，“其实到储钱尾声的时候都开始冇刻意悭到咁尽啦，都会同佢出去食下饭，氹下佢开心，所以大家都系会有共识。”

另一方面，大家都好奇，真系仲用紧2G手机？岑先生就承认：“系呀，我仲用紧㗎！不过因为工作关系，我都有用3G手机，系公司眼见我仲用2G手机咁唔方便，所以出咗部S4畀我，我自己都冇特别去追求科技嘅嘢。”而他不曾脱节，皆因他都有用Facebook，“只不过我用Laptop上。”谜底终于解开了。