网传港台有禁播歌手名单　DJ郑子诚：港台俾我好大自由度

港台DJ音乐情人郑子诚今日（28/1）现身电视城出席新剧《轻·功》造型记者会。对于日前有指港台高层向众DJ以口头下达十大歌手禁播名单，包括黄耀明、何韵诗、Rubberband、C AllStar、达明一派、Dear Jane、方皓玟、Serrini、谢安琪、许廷铿。

郑子诚直言并未受影响：“港台不嬲到俾好大自由度我，同埋我做自己嘅音乐节目，最紧要对播嘅音乐有感觉先，咁所以我播嘅歌全部都系陪住我长大嘅歌，咁所以一直以来播紧嘅歌，都系我最钟意嘅歌。（黑名单嘅歌手唔会播？）基本上𠮶啲歌手比较年青啲，对于我嚟讲影响我唔大，同埋我坚持唔会因为播歌而播歌，而系我因为钟意𠮶首歌而播啰。（如果黑名单歌曲你喜欢又会唔会播？）暂时我睇唔到，因为我钟意嘅歌都系喺80年代嘅歌，而且我会顺住自己个心去播，系钟意就会播。暂时会撇除名单𠮶样嘢先，只从节目中着想。”