青春不要脸｜伍乐怡“九龙塘食糖水”勾起黄日华情史：兜巴星佢

伍乐怡（Kelly）今日（25/1）现身电视城出席无线剧集《青春不要脸》宣传活动。提到有幕剧情讲到自己误信安东尼为好人，跟他去“九龙塘食糖水”，但当抵达后才发现对方另有所图想开房。事后有网民猜测剧情玩踢爆，指黄日华当年曾追求翁美玲。Kelly笑言：“其实我都系睇返啲新闻先知呢件事，令到我都产生好奇，于是头先我就走去问德哥（监制潘嘉德）。点解我又忽然又多咗个翁美玲，而且又同黄日华有关？而佢哋就话畀我听，系反映𠮶个年代嘅剧情，就唔系反映紧边一个人。”

Kelly续说：“其实我都真系好奇嘅，而套戏播出街之后，撩翻起咁多陈年旧事出嚟，我都觉得好出奇。因为我唔系喺𠮶个年代，所以我就当一个故仔去听。（有冇上网揾过相关新闻？）咁又冇。因为我㖊日先睇到报道，心谂今日返嚟问监制咪仲快。（有否遇过男仔暗示去开房？）哈哈，我谂我冇。真系冇遇过，可能我真系迟钝，又或者你畀啲提示我，我都未必听得明嘅人嚟。就好似去‘九龙塘食糖水’我喺做围读嘅时候，最后一个人先明白。（直接表达你先明？）哈哈，如果佢直接表达，我谂我会兜巴星佢。”