铁拳英雄｜刘天龙演活金顺龙　做廿年闲角入不敷支：连底薪都冇

无线（TVB）《铁拳英雄》虽说是低成本制作，但剧本扎实而紧凑，得到不少好评。剧中也起用了不少平时难得一见的演员，兼给予了不少戏份，亦令为整套作品加添了几分新鲜感，其中就有不少人提及饰演金家三少“金顺龙”的刘天龙。

不说不知道，原来刘天龙与胡定欣和黎诺懿一样是2001年加入TVB。他接受《香港01》访问时，就表示自己今次饰演“金顺龙”，是他从影而来最多戏份的一次。他说：“初头我都以为个角色系闲角，冇casting冇监制导演乜都冇㗎，系返到公司试造型收到剧本，先发现本剧本都几厚，其实陈国峰（饰金灿龙）未死之前我都冇咁多戏，系佢死咗之后我先愈嚟愈多。”

刘天龙表示，自己在21，2岁就已经入行，说：“入行前我系做普通文职，本身好钟意唱歌嘅，但系𠮶时新秀又未有，咁啱有训练班就入咗去。好好彩，啱啱读完就去拍《冲上云霄》做学员，仲可以飞去澳大利亚14日，开心回忆嚟。就系咁就签咗TVB啦！”就是这样，刘天龙一做就做了10多20年，不过演戏生涯之中，他做得最多并不是“金家三少”这种奸角，而是警察、纪律部队。他说：“唔记得做过几多次啦，多到数唔晒，我谂50次以上一定有，反恐、学员、PC、情报科、重案、ICAC、狱警、机场特警全部都做过，仲有古装嘅官差添！所以之前《Sunday好戏王》仲攞咗个“官差王”奖，哈哈。饰演警察的次数比吴卓羲还要多出不少！

虽则演出机会多，但戏份往往是“行行企企”的闲角，问到他有没有考虑过另寻出路时，他就说：“大树好遮荫，我知自己仲有不足，所以喺木人巷训练吓系好嘅，不过挨咗差唔多廿年，你问我梗系想多啲发展机会啦！之前王维基开台，如果唔系我啱啱签咗约，我都想去试吓。我梗系想捞啦，等紧机会啫，都摆咗咁多年心机就只系等机会发挥。得唔得唔紧要呀，试咗先啦。”

近年社会环境下，原来对他影响都颇大，凭住在香港的知名度，往日都会有一些中国内地商演或登台工作，但现在已几近变零。他说：“妈咪年纪都大啦，70几岁，除非好有机会我先会全力上去发展。前几年都有登台骚，每次万几蚊，一个月6，7次都几好揾㗎！而家就冇晒，所以每晚咪坐喺度等9点半睇返自己演出啰，哈哈。”

他续说，现时靠工作真的是捉襟见肘，甚至是入不敷支，说：“呢一行系咁，当你觉得冇嘢做想走嘅时候，又突然间有希望有机会，之后又会冇咗，就系咁挨吓一年挨吓又一年，咁就廿年。呢廿年一路做都开心嘅，因为真系钟意。讲起其实都几讽刺，自从我拍完呢套戏之后真系停晒，连路人甲都冇人揾我做！而家转咗“一骚”约，连底薪都冇埋。收入唔多真系食紧以前啲老本，真系见步行步，坐喺度等运到。”