铁拳英雄｜王君馨穿高踭鞋拍打戏导致脚趾变形：我觉得好值得！
王君馨（Grace）自从于2016年在无线（TVB）剧集《城寨英雄》饰演冷艳反派“花曼”大受欢迎之后，开始往打女方向发展，近日在TVB新剧《铁拳英雄》饰演一个打十个的“程安娜”获观众大赞踢腿踢得靓。三年前拍的成果将于公诸于世，君馨回应《香港01》时坦言觉得很开心：“三年后先出系好担心嘅，而家应该会继续进步，所以都惊会见到（三年前嘅我系）一个冇做得咁好嘅一个‘程安娜’，但剪接几好又唔系话太差，我都觉得OK嘅，过关！”
Grace在剧中不断使出绝招“十二路谭腿”大展强劲一字马踢腿，获网民大赞动作优美，又比其他演员利落得多，她回想当时除了在公司受训两个星期之外，自己亦有出去找其他老师学习，甚至乎自行搬一个名为“阿Bob”的人形模型回家练习，日日练习踢腰、踢头、踢胸和踢颈踢得准。
作为舞者Grace向来出名筋骨软，但她觉得单单是筋骨软对于打功夫都不足够：“打功夫要睇反应，人哋出招先去挡再出招，好需要两个人夹一个啱嘅节奏同速度，但个难度就系同唔同人要重新一次学习一个新嘅节奏、力度同敏锐度，有啲人速度好快，我觉得同男仔打会舒服啲，因为会就住我少少，女仔方面未必咁识就力！”
有不少观众会将《铁拳英雄》中的安娜与六年前《城寨英雄》中的花曼作比较，这两个角色既同样是打女又活在同一个年代，Grace坦言自己只能尽力尝试去演绎出两个不一样的感觉：“我特登尽量演到两个感觉唔同少少，花曼系再冷啲再性感啲，系一个睇清楚先至行动嘅人，安娜就冇𠮶种风情万种、经历好多嘅感觉，而系young（年轻）啲、fresh（幼嫩）啲、好胜啲同上进啲。同埋花曼当时几孤单成日一个人，同牙佬（袁伟豪）、展鹏、定欣等（有支线），今次安娜就多啲线，热闹啲！”
Grace亦表示，今次的打斗戏份比起《城寨英雄》多很多，体力消耗都至少都多出一倍：“呢套再辛苦啲，好多都系我一个打十几个，例如有两场货仓戏、同埋啱啱杀死金家个仔𠮶场戏都冇替身，虽然《城寨英雄》都冇用替身，但反而冇咁需要体力，因为踢腿需要好多energy（体力），比起上次攰起码一倍。”
因为拍打戏时要长期穿尖头高踭鞋，Grace表示因此脚趾变形需要经常接受治疗：“打功夫好需要脚趾抓住地下，但冇办法啲脚趾会squish together（挤在一起），所以每几日就要睇物理治疗，𠮶时我都睇得好密，但我都觉得呢啲系我好值得嘅受伤嚟，我钟意用好多时间去努力揣摸角色，令观众有另眼相看嘅感觉，希望安娜都系一个大家会记得嘅角色！”
观看更多王君馨在《铁拳英雄》中的精湛演出：