陶大宇曾大方分工作畀黎耀祥　否认帮对方供楼：好多钱使㗎佢

陶大宇与视帝黎耀祥认识多年，两人曾合作拍摄电视剧《影城大亨》，由于剧集有67集，拍摄时间长又朝夕相对，累积了深厚感情。黎耀祥在2017年于访谈节目《最佳拍档》公开感谢好兄弟陶大宇，透露当年因要供楼而经济拮据，“大宇哥真系好好，佢上去（内地）登台，佢话：‘祥仔，嚟，上嚟帮我做一Part啦，我分一旧畀你。’喺佢自己度分一旧（畀我）。”黎耀祥坦言：“我到而家都仲记得。”

近来演唱《倒转地球》而在网络惹起话题的陶大宇接受YouTube频道“HEBEFACE”访问。谈及这段往事时，他却否认指：“梗系冇啦！其实冇啲咁嘅事。”陶大宇笑言：“祥哥仔从来冇穷过，从来好多钱使㗎佢。”

陶大宇忆述这段往事，他说：“只不过𠮶阵时我同佢做嘢呢，系一件好顺利成章嘅事嚟㗎啫！因为𠮶阵时我同佢拍《影城大亨》，差唔多都有60几集，拍咗成8个月定唔知9个月，我日日对住佢㖞！我对佢仲多过对我屋企人，大家感情又好好啦，又啱倾，大家又啱Key啦，同埋共同喺一个世界做同一样嘢呀！咁变咗我觉得，喺𠮶个环境里面，喺𠮶个情况里面，你附带做埋其他嘢咁我觉得都好正常呀！咁适逢我𠮶阵都开始商演，久唔久上去唱两首歌仔，揾吓食咁样，又唔舍得对方，我咪问吓佢有冇兴趣，喂！一齐玩吓。佢话得唔得㗎？我话得！我咪𠱁佢：‘最多咁啦，我份人工畀一半你啦，一齐上去玩。’咁样咋嘛！并唔系坊间讲到呢......祥哥仔好有钱㗎，唔好以为佢好穷呀！冇呢啲咁嘅事。”

陶大宇称赞黎耀祥比自己更重情义，“我觉得佢都系个重情重义嘅人，佢记住咗呢件事件，记住咗喺个心度。到今时今日，都仲有机会畀佢讲返，我觉得佢重情义多过我。我都好多谢祥哥仔啦！”他续笑指黎耀祥好有钱，“买豪宅靓车，我都未买豪宅、未买靓车。”

有网友问到陶大宇未曾攞过视帝，会否有遗憾，陶大宇承认有遗憾，他表示：“但系都冇办法㗎，因为我走𠮶个年代，佢都冇咩举行过啲乜乜颁奖典礼，我走𠮶年佢哋就举办㗎啦！”不过他没有放在心上，坦言做人“要讲时机”，又否认与无线（TVB）闹翻。

点击下图重温陶大宇演出：