【迷】情人节简淑儿冇人约　女神孤伶伶 ：其实自己一个更开心

由《爱．回家之八时入席》Elsa开始，有简淑儿出现，基本上要按定cap图掣，昨日她在新剧《迷》出现，虽然戏份不多，不过在讨论区依然布满她的cap图，剧情胶不胶？田蕊妮、郑嘉颖做得好不好已是其次。对宅男来说简淑儿就是一切。

其实简淑儿初时都好担心自己角色不讨好，尤其演绎高中生，她接受《香港01》访问时说：“我就27岁，但就要演个17岁嘅高中生，其实都惊网友话我太老呀，唔似呀咁，但好彩佢哋都好钖我，冇咩点话我，我拍𠮶阵尽量淡妆，又着多啲细路仔嘅衫啰，希望接近啲。我今次惨淡收场㗎，我今次𠮶角色会越嚟越乞人憎，仲会有几场戏同阿田互掴㗎，死啦，我都惊啲网友唔钟意我……”儍啦，曾经有网友觉得简淑儿的笑容可以令世界停止，就算妳在剧中杀人放火，他们都一定觉得你系被迫。

更令宅男开心的是简淑儿今年情人节都系单身，重点来了，她说：“其实我𠵱家病咗，扁桃腺发炎，（咁男朋友要上嚟煮嘢畀妳？）哈哈….冇男朋友呀，今日自己喺屋企食自己，有我细妹喺美国返咗嚟，我同佢一齐过情人节啰，我一阵都要睇医生。其实我上年都要做嘢，我仲记得自己买麦当劳返嚟食，我又唔觉得惨㖞，我觉得如果拣咗个唔啱嘅人，其实自己一个更开心，我之前拍拖都试过节日前嗌交，之前试过满心欢喜准备哂，点知节日前嗌交，好似系佢出去玩又讲大话啰，唔记得喇，所以𠵱家一个人过情人节都冇咩唔开心。”宅男们是不是人生充满了希望呢？