【迷】女神简淑儿惨遭奸杀　泰臣急否认：我冇份㗎！

继《亲亲我好妈》61岁米雪做45岁江美仪的阿妈后，下星期一推出的《迷》，田蕊妮做简淑儿阿妈，但两人年纪仅相差12年。田蕊妮坦言最初知道要做人阿妈，表示：“我都未试过阿妈，都有谂过点去投入，好在简淑儿都做得好好，畀我有一个良好做妈咪嘅经验。”至于简淑儿就话：“有一句说话就系拍戏同现实系分开，剧入面我都系做18岁嘅女仔，所以其实系合理嘅。”

剧中简淑儿下场好似好惨，又要被田蕊妮掌掴，又好似要被泰臣等人奸杀。简淑儿笑言：“绝无半点色情成份。（但唔系奸杀？）冇大家谂嘅咁，可能见到trailer觉得系。”她坦言不担心因此令往后角色会变成“御用被奸”，觉得今次角色有挑战性。

至于泰臣就话好想被田蕊妮疯狂车几巴，“话晒视后呀嘛，我𠮶边主要对祥仔同金刚，主要系搞笑啰。”泰臣所演的奸角都不算奸，而是要做满口乡音的笨贼，“其实都系学金刚讲嘢，讲下讲下都唔知边度乡下。（会唔会讲讲下讲到好似粗口咁？）咁我都系学金刚啫，大家平时觉得金刚冇问题，咁就得啦！”泰臣亦再三强调自己冇份奸杀简杀儿。