换命真相全剧评 | 审批问题搞到衰收尾 写小说同话佢发梦冇分别
撰文： 邱爱霖
出版：更新：
无线（TVB）电视剧《换命真相》全剧评。
《换命真相》认真唔差，虽然未到烧脑级别，但胜在题材吸引。“如果重来一次，你可否改变命运”，这个命题虽然用到烂，但都长卖长有，观众仲未睇厌。另外再加上探究蝴蝶效应带来的改变，钟意幻想情节的观众都颇为受落。
剧集后半，老实讲感情戏做多咗，尤其主角邓佩仪（饰张旻）同谭俊彦（饰时光），只不过系一而再再而三描写谭俊彦如何情不自禁、英雄救美，再推开邓佩仪，邓佩仪伤心爆喊。虽然重复，但依然不影响剧集质素，因为主线剧情的悬念一浪接一浪，追看度都几高，尤其再揭陈庭欣（饰朱筱筱）系警察，郑子诚系从头到尾都系好人。陈庭欣唔系第一集用完即弃，而系由头带到落尾，令剧情组织更加紧密。
大结局来个大反转都系意料中事，毕竟系悬疑剧，又点可以咁容易畀你估到。但叫你畀个惊喜我，唔系畀个惊吓我。原来结局系朱敏瀚（饰朴宝剑）执到谭俊彦跌咗嘅笔记，加上穿越情节，所写出来的幻想型小说。咁讲法又吹你唔涨，但难免予人“揸流摊”之感，真系好过话佢发咗一场梦少少。
点击睇邓佩仪两段式爆喊演技：
+4
谭俊彦日前接受《香港01》访问，谈到结局，他提到由于香港和内地同步播出电视剧，而穿越剧情在内地的审批难度较大，故结局只能从中取得平衡。考虑到实际需要，又真系无可奈何，只可以话可惜了一个好题材。
换命真相 | 陈庭欣做林韦辰二奶被灭口：有啲人话我系咪得罪监制
点撃睇更多陈庭欣照片：
+18
点撃下图睇陈庭欣豪宅内部：
+59