林家谦睇好姜涛Jer攞叱咤男歌手　今年有获邀上TVB但档期不合告吹

歌手林家谦和人气风水师七仙羽（七师傅）今日（10日）齐齐出席米线活动，合照期间七师傅突然揽实林家谦手臂，非常进取，林家谦接受《香港01》访问时笑言七师傅“热情如火”。问他是否很怕丑，他立即引用自己歌否认：“冇呀！我已经好淡定，敏感的我假装冷静。”

张敬轩日前公开表示，睇好林家谦夺商台“叱咤乐坛男歌手”金奖，他感到很开心，但笑言怕太大压力，开玩笑指不会被张敬轩影响到：“代表佢对我今年音乐作品嘅认可。但我唔会太认真看待，因为我怕自己有落差，会失望。（怕太有压力？）系呀！所以我唔会畀你影响到㗎，张敬轩。”

他又客气指MIRROR成员姜涛、Jer（柳应廷）得奖机会较大，“佢哋今年曝光作品比较多，我就幕后多啲。”他又认为过去幕前工作太多，希望可以保持平衡。他表示未准备好做个人演唱会：“好多朋友都同我讲系时候要开，但我好多关口要过啦。因为例如自己唔够歌、体力上未必支持到。”

林家谦又透露，今年无线（TVB）方面曾邀请他在节目演唱，但因档期不合告吹，其中有音乐、非音乐，以及慈善节目等。“之后睇吓个期啱唔啱啦......因为我系比较少上啲综艺、娱乐节目，如果系音乐剧，我会考虑吓。（唔习惯？）始终我唔系一个向综艺方面发展嘅艺人，我系做音乐嘅，我唔想参加嘅节目偏离音乐太远。”