败者重生战｜张建声投资7位数唔谂回本　不排除另组男团撼MIRROR

由《全民造星》参赛者结成、在hmvod平台播放的选秀节目《败者重生战》周三（17日）举行第二轮淘汰赛，监制张建声透露将选出8人到韩国进行训练：“系《Produce101》节目嘅公司，令佢哋可以感受韩国造星文化，都想睇呢8位仔仔拎啲咩返嚟香港。”至于早前受访时提到为节目投资7位数字（逾百万），张建声直言：“冇谂回本，做好Production先，谂住做会好大压力，真人骚需要创意同执生，唔可以用Cost嚟绑住自己，希望观众多啲留意打到个和。”

ViuTV正在播出《全民造星IV》，观众不免与《败者重生战》比较，问起两者是否对撼，张建声直言：“绝对唔系对撼，亦都冇力对撼，始终人哋系电视台，我哋制作笔直唔大，有时唔够人手我都会帮手搬嘢，只要佢哋有舒服嘅地方安心表演就够。做呢个节目都想带个信念畀香港人，其实冇人系败者，只不过系未赢到；都想畀观众多一个选择，系良性竞争。”

至于日后之胜者会否组男团，张建声表示现时言之尚早：“我哋要做好呢个节目先，畀观众认识佢哋个人魅力，问埋投资方有冇合作空间，都唔排除有呢个可能性。（对撼MIRROR？）其实冇得话撼，MIRROR、ERROR都咁成功，呢班师弟教返我人哋成功系付出咗好多，一定有羡慕，但妒忌真系冇，系呢一代娱乐圈嘅良性竞争，好感恩香港市场而家接受到Boyband，我好期待Anson Lo（卢瀚霆）嘅《假冒女团》，好奇究竟粉丝们嘅力量可以将部戏谷到几大。”