王浩信留大笔教育基金考虑送女儿去外国读书：成副身家畀晒佢！
王浩信今日（7日）以一身白色西装造型现身沙田马场出席活动，他坦言自己因为7月7日生日，因此对7这个数字情有独钟，因此如果要入场买马都会买“lucky 7”，但投资方面他则谨慎得多：“我系审慎派，好少做投资，楼同股票都好少买，因为都真系需要做好多功课，我过往咁多年都冇乜时间，物业都系自住同畀爹哋妈咪住啦，所以都要稳阵一啲，就算赚到钱都系拎嚟供楼，哈哈！”
王浩信一向非常爱锡女儿，早前更因为在Instagram上载到主题乐园游玩的相片而成为焦点，他坦言自己已为她留有一笔教育基金：“我谂唔系留一笔钱咁少，我系留咗成副身家畀晒佢㗎喇讲真，当然教育我一定支持，但我相信留嘅除咗系数字之外，我希望会留低一啲更加有意义嘅嘢，例如我嘅一啲感触，或者如果我走咗之后想同佢讲嘅嘢，我想用一个特别嘅方法留低畀佢，可能喺我嘅作品度。”现时有不少家长都打算送子女去外国留学，王浩信坦言现时环境有很多变数，会再“睇定啲先”。
虽然已经夺过两届视帝，但王浩信坦言今年的心态不会因此变得更轻松：“奖系唔会嫌多嘅，但每一年我都系抱平常心去面对，而且今年好多劲敌，例如嘉颖、展鹏、德钟、马明，难度都好高，所以我都系尽量享受呢件事。”近年不少OTT平台涌现，例如Netflix、黄Viu、Disney+及hmVOD等等，因此除了电视以外观众亦多了不少选择，不会再像以前一样独沽一味守在电视机前看TVB剧集。被问到会否担心“视帝”的含金量不再，王浩信坦言：“我谂嘅反而唔系含金量，而系有竞争先有进步，我希望大家可以有良性竞争去令制作同演技上都有提升，令香港观众得到更好嘅视听享受、更好嘅故仔，比起含金量更加重要！我当然希望有更多资源同渠道去制作更多好嘅剧本，无论系对公司定系出面嘅公司，对成个行业都系好事。”
王浩信又指出，香港拍剧和拍电影经常制作得太仓猝而成为弊病，如果能够改善相信整体质素一定会提升：“其实香港嘅CG绿幕效果已经愈来愈好，例如《梅艳芳》咁，点解可以重现番八十年代出嚟咁真实呢，我一直以为系实景嚟，我觉得如果制作上可以有更多资源同准备时间，会对香港嘅作品会有更好嘅发挥空间！”
点击观看更多活动现场精彩照片：