朱晨丽直播做到唔停手　大呻比拍剧更有难度：得一千人睇会好伤心

朱晨丽今日（7日）现身沙田马场出席活动，她笑言自己在赌博方面没有太大心得，但却比起其他人甚有投资眼光：“我一向都有啲小运，有一年大家投资都蚀钱，但系我𠮶只就无啦啦升紧，虽然唔系赚好多，都系运气嚟！”

已经有接近一年没有新剧集作品，早前有传朱晨丽有份拍《巾帼枭雄4》，但最后却被飞起无缘回归拍剧，她回应表示现时忙于拍电影，预计年尾就能够上映，剧集方面亦正安排中：“剧瘾都真系有，公司都安排紧㗎喇，我都等待紧！我饰演过madam、十三点（《多功能老婆》角色）、时装古装民初的角色都试过，但从未试过武侠片，好想做啲可以扮男装、演女人嘅时候又可以好性感嘅角色。（好似花木兰咁？）好提议！有冇人揾我做花木兰，快啲准备下个剧本！”她举出韩剧《以吾之名》为例，表示很想自己能够像女主角韩韶禧一样有型的女演员，受伤亦在所不辞：“女仔有型真系另一个境界，佢可以打赢咁多男仔真系不得了，真系好吸引，令我好想睇多啲佢之前演嘅作品！”

近来朱晨丽虽然较少戏剧演出，但商演、直播邀约却是接踵而来，令她忙到不停手，会否觉得比起拍剧赚钱来得轻松？“拍剧畀我嘅感觉我系做一个角色，但做直播更唔容易，好需要多啲精力，如果唔系啲观众走晒！例如本来有10万个人睇紧，讲讲下得番一千个人都会好伤心。（系咪都好多人揾你直播？）梗有啦，呢啲自信我都有嘅！”她笑称接下来都有不少需要回内地的工作，希望自己能够在香港和内地两边的工作都能够取得好好的平衡。

点击观看更多活动现场精彩照片：