江若琳母亲作供指公司要剥晒佢啲牙 牙医惊讶点解要咁做

控方大律师在庭上盘问周，并指出周曾经讲过不希望女儿江若琳加入娱乐圈，大可拒绝签署04年份合约。周表示：“因为佢话想试吓，而且我同阿女嘅关系系好好，平时佢都好乖又孝顺，咁所以我就畀佢试吓。”控方大律师追问周有否关心女儿工作情况？周作供时再次洒泪庭上：“比较少。试过有次佢喺TVB拍嘢，拍到半夜两三点，我两夫妻喺出面畀蚊咬等到佢放工，因为女仔做到咁夜，始终都系好唔安全，所以我哋两个喺出面等佢。平时我系冇乜点过问佢啲嘢。试过佢半夜5点返嚟，冲过凉，瞓咗唔知有冇一个钟，佢又要起身，之后佢同我讲：‘妈咪，我好想瞓觉，我做得好辛苦。”坐在身后旁听席江若琳，听到母亲一席话再度落泪，要由老公萧唯展安慰。

控方大律师向周指出江若琳签约寰宇之后有箍牙，但同时工作量不多，问周是否记得？周表示记得：“佢公司咩都急。签约又急，话佢啲牙唔靓要整，又急。”此时周再度情绪激动，泪洒继续作供：“佢经理人同我讲，公司要我揾医生剥晒佢啲牙。咁个女又细个，我就带佢去睇医生，话畀佢听。医生听到之后，话佢咁细个无理由要佢剥晒啲牙，医生仲话‘边个要佢剥晒啲牙，叫𠮶个人嚟畀我剥先’。”

案件编号：HCA 1225/2014