巧有Feel｜小仪为吕爵安“揦鲊说”平反　Edan自爆太忙冇冲凉？

ViuTV游戏综艺《水着巧有Feel》周五（27日）假海洋公园水上乐园进行录制，节目主持小仪、黄奕晨（Dixon）、MIRROR成员Edan（吕爵安）久违合体，小仪直认眼球大饱眼福：“Alton个Shape真系好靓、Anson Kong都系正嘢嚟㗎，Lokman又系Fit，皮皮就略嫌斯文啲！”大感幸福的小仪直认有跟监制𢯎过第二季，她投诉指：“呢啲人（指Edan、Dixon）冇期啊！我就随时Ready嘅！MIRROR、ERROR夹埋一齐已经好好玩，我哋三个又一拍即合。”

小仪又提议可以爱情剧集形式合作，Edan十分识做：“小仪系女主角，有好多后宫男士，每集都唔同男主角，坦白讲就系《小仪自肥计划》。”问起谁能取替最爱Edan的地位，旁边的Dixon打晒眼色，作为“正印”的小仪都无动于衷、坚定指：“真系冇㖞！”

Edan近日工作不断，除了剧集《I.Swim》、综艺《胶战》的拍摄，商业代言、拍摄等接踵而来，不时都能看到他凌晨才收工的限时动态，天微亮又再次上班，不过他表示：“一日4个钟到，补眠都补得足嘅。”安抚一班担心的“爵屎”。旁边的小仪随即爆料有次问及Job接Job的Edan“究竟有冇冲凉”，打算为Edan“揦鲊说”平反，不过Edan就直率地抛弃偶包自爆：“冇啊，前几日真系冇！”