水着巧有Feel｜阿Dee直指姜涛“腊肠”　193做吸金王准备做业主？

ViuTV游戏综艺《水着巧有Feel》周五（27/8）假海洋公园水上乐园进行录制，ERROR成员保锜声言勤练七仙羽师傅传授之“七连闪电鞭”应战MIRROR四子，193（郭嘉骏）声言要避开Alton（王智德）：“因为太大只喇，我哋只可以派肥仔（梁业）以重量战胜力量，我哋三个斗唔过！”提起之前阿Dee（何启华）与姜涛在节目中暴走“激烈打架”制造出极级笑弹，是日无法开战并没有感到失落：“我之前问阿姜打唔打交，佢话：‘唔喇，我谂唔够你打，Dee哥有型又有才华！’”随即被队友踢爆老作，阿Dee续指姜涛是“腊肠”却解释不能，193：“好似睇过好多嘢咁㖞。”

ERROR四子近来工作不断，直认收入大增，阿Dee指：“反而要悭啲时间瞓，收入多咗时间就少咗！”193被成员爆收入最多，问起有什么想买，他就说：“想买楼、买车，都储紧钱，因为拎咗啲钱去投资其他嘢，都要积谷防饥、唔可以Fing晒，始终呢行今日唔知听日事，唔知会唔会听日就舐嘢。”