晚吹恋讲嘢｜193＠ERROR自爆情史　专玩另类浪漫：好快冲去锡啖佢

ViuTV清谈节目《晚吹》将于本月24日（星期二）推出新栏目“恋讲嘢”，并由ERROR成员193（郭嘉骏）、“口罩小姐”冠军郑伊琪（Wayii）、谭凯伦（Helen）及郭奕芯（Ashina）担任主持。节目周六（14日）进行录影，193罕有谈起爱情经历，问起恋事他就透露自己的经历相对较平淡：“有一次俾人飞之后就沉溺喺爱情不断听周杰伦嘅歌，因为𠮶一次先识背晒周杰伦嘅歌，啲歌好Sad，唱K𠮶阵会坐埋一角喊。（呢段恋情拍咗好耐？）其实冇，我怀疑系因为俾人飞，就有唔可以做Loser嘅心态，如果我系飞人𠮶个就冇乜顾虑。”

至于飞人与被飞的比例，193笑说：“我飞人飞得多啲嘅，我以前中学都乱咁拍拖，当时又唔知咩系爱情，有啲拍几日、有啲名都唔记得，真系唔知自己拍过几多次拖，拍两三日或者掂过下手仔算唔算拍拖？”至于什么时候才真正对爱情“开窍”，他就表示长大了、多了经历才慢慢懂得爱情。193自言较着重生活小细节，自问不是会准备惊喜的浪漫型男友：“我唔钟意送花，又贵、过一个礼拜又死好嘥，唔通寓意段爱情会死？我好少做啲好Sweet嘅嘢，反而系两个人对望感受到爱意，我好快冲去锡佢一啖已经好Sweet，唔需要特别设计。”

如同“中学生是否应该谈恋爱”，“是否应该翻看男女朋友电话”是另一个世纪未解难题，193更在节目中表示要男朋友在洗澡时带同电话进浴室：“我自己唔钟意俾人睇电话，就算几亲密嘅关系都总会有嘢唔想俾伴侣知，太赤裸裸对两个都冇好处，好多朋友经历都系一Check电话就舐嘢，所以建议大家带电话入厕所，扮听歌几好！”

193妹妹郭嘉盈（Michelle）参加《造星IV》掀起关注，近日更已经接连拍两个广告，暖男哥哥更亲自到场探班，又找朋友帮妹妹化妆，原来是别有用心：“最主要想𢯎Job，兄妹档都有Gimmick，我收得贵妹妹收得平就拉匀。”至于贴士193就表示尽力就好：“唔得咪返去打返份牛工！”193透露妹妹“唔知哪里来的勇气”未去海选已经辞职：“佢觉得哥哥帮到佢，其实哥哥帮唔到，我唔系鲁生（ViuTV总经理），我系193咋黐线！”

提起近日ERROR队友保锜被昔日好友韩子亮点名指控，193透露有送上慰问：“佢暂时都OK，我都唔希望队友会崩溃，件事无论系点都好，我都希望佢可以保持好嘅心情，佢系我兄弟我点都会喺心灵上Supoort住佢，无论如何ERROR都系四位一体。”至于会否担心队友再入雪柜，193就强调保锜之前为自愿休息：“但我都唔希望佢再自愿休息多次，希望大家都发展得好，其实ERROR今年啱啱开始上轨道，都唔希望俾任何事阻碍。”