七救星｜七仙羽飞踢奀皮林作大快人心：平时如果喺街打佢会犯法

风水师傅七仙羽（七师傅）的“综艺体格”使她迅速走红，个人担正的综艺《七救星》将于下周一（16日）播出。七师傅今日出席记者会，小丸子主题曲都有唱“问题天天都多”，各艺人遇上的疑难杂症也不同，师傅坦承：“所有Case都难搞！”至于预告中出现师傅踢林作一幕，令一众网民纷纷表示大快人心，师傅认真指：“唔踢唔得！我同林作倾偈觉得佢好奀皮，佢全家都想打佢，平时如果喺街打佢又会犯法、我会被拉，喺佢屋企打佢攞正牌，就任砌都得！”师傅更透露当时踢空：“搞到我只脚有啲痛。”

七师傅近来重投Instagram的怀抱，怎料开心分享与MIRROR、ERROR等合照却引起“无头风波”，令她懊恼指：“我谂唔到IG会冇头，玩其他Social media揿出街就得，出咗新闻我先知冇头。咁难得见到姜涛、又咁靓仔。（师傅系姜糖？）不嬲都系、好钟意，9月27号拉阔都想睇但冇飞。”至于“无头”在玄学上对运程上会否有影响？师傅就否定道：“唔会，我都冇头，如果大家都冇就一样！”

点撃睇下七师傅独特的Po相技巧：

七师傅节目及广告邀约不断，她亦坦言：“赚咗好多钱”，不过就视钱财为身外物：“我对于钱冇乜所谓，因为我不嬲都唔忧柴唔忧米，就算唔拍节目同广告我都有楼、生活无忧，做系因为想影响多啲人，钱对于我嚟讲好湿碎。”至于会否转行或投放更多心机做艺人，师傅就斩钉截铁：“唔会做艺人，因为我样又唔得，又唔系18岁，要乜冇乜仲同人争饭食？畀啲机会人哋啦，我拍节目、做返师傅就得！”

点击图辑睇七师傅拍过的话题广告：